សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានបង្ហោះ លើ ផេកផ្លូវការ និង ប្រព័ន្ធ Telegram ជុំវិញការខ្វះខាតថវិកា តារាសំដែងបញ្ញា សិទ្ធបាត់មុខពីសិល្បៈដើម្បីរកប្រាក់ព្យាបាលជម្ងឺម្តាយ ទីបំផុត ! សម្តេចតេជោ បានជួយឧបត្ថម្ហ ចំនួន ៣ មុឺនដុល្លារ ។
សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានបង្ហោះថា ៖ តាមរយៈការផ្សាយរបស់ សារព័ត៌មាន , ខ្ញុំទើបដឹងថាតារាសំដែងបញ្ញា សិទ្ធបាត់មុខពីសិល្បៈដើម្បីរកប្រាក់ព្យាបាលជម្ងឺម្តាយ។
សម្តេចថ្លែងបន្តថា៖ ពេលនេះកូនកតញ្ញូម្នាក់នេះកំពុង ត្រូវការជំនួយដើម្បីជួយដល់ម្តាយ។
សម្តេចតេជោ ហ៊ុន សែន បានបញ្ជាក់ថា ៖ ខ្ញុំនិងភរិយាសូមចូលរួមចំនួន៣មុឺនដុល្លារ(30,000$)សម្រាប់ក្មួយចាត់ចែងព្យាបាលម្តាយឲ្យទាន់ពេល។
សម្តេចតេជោ ហ៊ុន សែន មានប្រសាសន៍ថា៖ សូមក្មួយបញ្ញា សិទ្ធ ទាក់ទងមកលោកសេង ទៀង ដែលកំពុងផ្ទេរប្រាក់តាមគណនីនៅABA របស់ក្មួយតាមលេខទូរស័ព្ទ012 961971។
សម្តេចបន្តថា៖ ប្រសិនមានការខ្វះខាតខ្ញុំពិនិត្យតាមក្រោយទៀត។
ជូនពរដល់ម្តាយក្មួយឆាប់បានជាសះស្បើយ ៕
ដោយ ៖ សុខ ខេមរា
