សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ទំនងជាស្រវឹងបានបេីករថយន្តចេញពីហាងផឹកស៊ីមួយកន្លែងក៏ជ្រុលបុកចូលហាងកាត់សក់ដែលនៅក្បែរគ្នានោះបណ្តាលឲ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង៩យប់ថ្ងៃទី២១ ខែមេសា ឆ្នាំ២០២៣ នៅផ្លូវបេតុង ភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញបុរសម្នាក់បេីករថយន្តម៉ាកឡិចស៊ីសRX400h ពណ៌ប្រផេះ ពាក់ស្លាកលេខភ្នំពេញ2BL 6257 ចេញពីក្នុងហាងផឹកស៊ីមួយកន្លែងក្នុងល្បឿនលឿនបានប្រហែល៤០ម៉ែត្រក៏រេចង្កូតបុកចូលហាងកាត់សក់បណ្តាលឲ្យរងការខូចខាតម៉ូតូ២គ្រឿងនិងសម្ភារៈក្នុងហាងមួយចំនួនធំតែសំណាងមិនមានមនុស្សរងរបួស។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុស្ទូចយករថយន្តបង្កទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
