សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ តោះ! បងប្អូងណាខ្លះដែរមិនទាន់ស្វែងយល់ពីច្បាប់ចរាចរណ៍ ស្ដីពីសិទ្ធិអាទិភាព រវាងផ្លូវដី ផ្លូវលំ និងផ្លូវក្រាលកៅស៊ូ ឬបេតុង តើអ្នកមានសិទ្ធជាងគេ។
ជាក់ស្ដែងក្រសួងសាធារណការ និងដឹកជញ្ជូន នៅព្រឹកថ្ងៃសៅរ៍ទី២២ ខែមេសា ឆ្នាំ២០២៣នេះ បានបង្ហាញពីសិទ្ធិអាទិភាព រវាងផ្លូវដី ឬផ្លូវលំ និងផ្លូវក្រាលកៅស៊ូ ឬបេតុង តើអ្នកបើកបរត្រូវផ្តល់សិទ្ធិឲ្យយានយន្តណាមួយទៅមុន ប្រសិនបានជួបដូចក្នុងរូបគំរូខាងក្រោម?
ក្រសួង បានបញ្ជាក់ថា អ្នកបើកបរត្រូវស្វែងយល់ពីសិទ្ធិអាទិភាពនៅលើផ្លូវប្រសព្វ និងមានស្មារតីយកចិត្តទុកដាក់ក្នុងការបើកបរ ជៀសវាងការបង្កគ្រោះថ្នាក់ និងការកកស្ទះនៅពេលធ្វើចរាចរណ៍លើផ្លូវសាធារណៈ។
សូមជម្រាបជូនថា កាលពីថ្ងៃទី២១ ខែមេសាម្សិលមិញនេះ ក្រសួងសាធារណការ ក៏បានបង្ហាញពីផ្លាកសញ្ញាបញ្ជា ៖ “ តម្រូវទៅមុខត្រង់ ,ផ្លូវសម្រាបរថយន្តដឹកអ្នកដំណើរ និងរថយន្តធុនតូច និងផ្លូវសម្រាប់រទេះអូសទាញដោយសត្វ ”។
ផ្លាកសញ្ញាបញ្ជា ដែលមាននៅលើដងផ្លូវសាធារណៈ គឺដាក់បញ្ជាដល់អ្នកបើកបរ ត្រូវធ្វើចលនាយានយន្តទៅតាមអត្ថន័យបញ្ជារបស់សញ្ញានីមួយៗ ដើម្បីជៀសវាងគ្រោះថ្នាក់ ឬកកស្ទះចរាចរនៅតាមផ្លូវ។
ដូចនេះអ្នកបើកបរ ត្រូវអនុវត្ត និងគោរពដាច់ខាត៕
ដោយ៖សហការី
