សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ ជនសង្ស័យម្នាក់ឃើញនារីម្នាក់ងូតទឹកដោយចងពង់មើលទៅទំនង ទប់អារម្មណ៍មិនបានៗចូលទៅចាប់អោបថើប បម្រុងរំលោភ តែដោយសារនារីរងគ្រោះស្រែកឆោឡោផ្អើល ទីបំផុតជនសង្ស័យត្រូវបានសមត្ថកិច្ចឃាត់ខ្លួនបាន។ ករណីឃាត់ខ្លួននេះធ្វើឡើងនៅថ្ងៃទី២៨ ខែមេសា ឆ្នាំ២០២៣ ដែលករណីនេះបានកើតឡើងកាលពីថ្ងៃទី២៦ ខែមេសា ឆ្នាំ២០២៣ វេលាម៉ោង០៥និង៥០នាទី ស្ថិតក្នុងភូមិដើមទ្រាំង ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល។
មន្ត្រីនគរបាលស្រុកកណ្ដាលស្ទឹងបានឱ្យដឹងថា ជនរងគ្រោះមានអាយុ៣៤ឆ្នាំ មានទីលំនៅភូមិដើមទ្រាំង ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល មុខរបរ លក់ដូរ ។ ចំណែកជនសង្ស័យឈ្មោះ វ៉ាង លាង ភេទប្រុស អាយុ៤០ឆ្នាំ រស់នៅភូមិដើមទ្រាំង ឃុំ អន្លង់រមៀត ស្រុកកណ្ដាលស្ទឹង ខេត្តកណ្ដាល មុខរបរកម្មកររោងចក្រ ។(ឃាត់ខ្លួន) ។ វត្ថុតាងចាប់យករួមមាន៖.កូនកំបិតមុខស្រួចចំនួន០១ ،ស្បែកជើងផ្ទាត់ពណ៌ខៀវ ចំនួន០១គូ។
ប្រភពដដែលបន្តថា កាលពីថ្ងៃទី២៧ ខែមេសា ឆ្នាំ២០២៣ វេលាម៉ោង៥និង៥០នាទី មុនពេលកើតហេតុ ជនរងគ្រោះបានក្រោកពីដេករួចក៏ទៅដាំទឹកដើម្បីឆុងកាហ្វេលក់ រួចក៏ដើរទៅចូលងូតទឹកនៅក្នុងបន្ទប់ទឹក លុះពេលងូតទឹករួចរាល់ហើយ ជនរងគ្រោះបានយកកន្សែងពោះគោមកចងពង់ដើម្បីបើកទ្វារចេញពីបន្ទប់ទឹកចេញមកក្រៅ ស្រាប់តែលេចមុខជនសង្ស័យឈ្មោះ វ៉ាង លាង រស់នៅភូមិកើតហេតុខាងលើបានមកធ្វើសកម្មភាព ស្ទុះចាប់អោបនិងថើបជនរងគ្រោះ ហើយជនរងគ្រោះបាន ស្រែកអោយម្ដាយនិងអ្នកជិតខាងជួយនៅពេលនោះស្រាប់តែជនសង្ស័យបានរុញជនរងគ្រោះអោយដួលអុកគូទទៅនឹងចានបង្គន់ ហើយជនសង្ស័យបានជ្រុះកូនកំបិតចុងស្រួចមួយនៅក្នុងបន្ទប់ទឹករបស់ជនរងគ្រោះ ដែលជនសង្ស័យបានយកមកតាមខ្លួន (ប៉ុន្តែមិនបានយកមកធ្វើសកម្មភាពគំរាមជនរងគ្រោះនោះទេ)។ កន្លងមកជនសង្ស័យ និងជនរងគ្រោះពុំ ដែលមានទំនាក់ទំនងស្នេហាជាមួយគ្នានោះទេ រហូតមកដល់ថ្ងៃកើតហេតុនេះតែម្ដង។
បន្ទាប់មកជនរងគ្រោះក៏បានទៅដាក់ពាក្យបណ្ដឹងនៅសមត្ថកិច្ចប៉ុស្តិ៍នគរបាលរដ្ធបាលឃុំអន្លង់រមៀត ហើយប៉ុស្តិ៍បានសហការជាមួយកម្លាំងជំនាញប្រឆាំងការជួញដូរនិងការពារអនីតិជន ដើម្បីធ្វើការឃាត់ខ្លួនជនសង្ស័យយកទៅចាត់ការនិងកសាងសំណុំរឿងទៅតាមនីតិវិធីច្បាប់៕
ដោយ៖ ស្អាងជ័យ
