សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី ៖ ភាគច្រើនម៉ូតូបងប្អូនប្រជាពលរដ្ឋមួយចំនួន ពួកគាត់បើកបរនៅលើដងផ្លូវជាតិ មិនមានការប្រុងប្រយ័ត្នឲ្យបានខ្ពស់ បើកបរក្នុងល្បឿនយ៉ាងលឿន ភ្លើងខាងមុខមិនសូវភ្លឺ ឯស្តុបម៉ូតូនៅខាងក្រោយក៏គ្មានភ្លើងផងដែរ នេះជាកត្តាមួយបង្កឲ្យមានករណីគ្រោះថ្នាក់ចរាចរណ៍កើតឡើងចំពោះមុខ។
ករណីគ្រោះថ្នាក់ចរាចរណ៍រវាងម៉ូតូ បុកអ្នកដើរថ្មើរជើងបណ្ដាលឲ្យស្លាប់មនុស្សម្នាក់ពេលដឹកបញ្ជូនទៅដល់មន្ទីរពេទ្យ នៅវេលាម៉ោង២០ និង៣០នាទី ថ្ងៃទី៣០ ខែមេសា ឆ្នាំ២០២៣ នៅលេីកំណាត់ផ្លូវទៅស្រុកអូរជុំមុខផ្ទះចែរស្មី ស្ថិតក្នុងភូមិថ្មដា សង្កាត់បឹងកន្សែង ក្រុងបានលុង។
យោងតាមរបាយការណ៍ពីការិយាល័យចរាចរណ៍ខេត្តបានឲ្យដឹងថា ម៉ូតូ១គ្រឿងម៉ាកវ៉េវ ពណ៌ខ្មៅ គ្មានស្លាកលេខបើកបរដោយឈ្មោះ បាត ប៊ុនឡុត ភេទប្រុស អាយុ១៨ឆ្នាំ ជនជាតិគ្រឹង រស់នៅភូមិគោក ឃុំល្អក់ ស្រុកអូរជុំ ខេត្តរតនគិរី រងរបួសស្រាល។
អ្នករួមដំណើរជាមួយឈ្មោះ កាន់ ស្រាំសូក ភេទប្រុស អាយុ២៧ឆ្នាំ ជនជាតិគ្រឹង មុខរបរកសិករ រស់នៅភូមិ-ឃុំជាមួយអ្នកបើកបរម៉ូតូ រងរបួសស្រាល។
របាយការណ៍បានបញ្ជាក់ថា អ្នកដើរថ្មើរជើង ឈ្មោះ សួន ប៊ីលី ភេទប្រុស អាយុ២៣ឆ្នាំ ជនជាតិខ្មែរ បុខរបកសិករ រស់នៅភូមិទេសអន្លុង សង្កាត់បឹងកន្សែង ក្រុងបានលុងខេត្តរតនគិរី ស្លាប់ក្រោយពេលដឹកបញ្ជូនទៅដល់មន្ទីរពេទ្យឯប្រទេសវៀតណាម។
ករណីនេះបណ្ដាលមកពីអ្នកបេីកបរម៉ូតូជិះក្នុងល្បឿនលឿន ក្នុងស្ថានភាពស្រវឹង ហើយម៉ូតូភ្លើងមិនសូវភ្លឺច្បាស់ទៀត។
ក្រោយពេលកើតហេតុ សមត្ថកិច្ចជំនាញបានចុះមកដល់កន្លែងកើតហេតុ ធ្វើការវាស់វែងរួច បានរឹបអូសយកម៉ូតូបង្កហេតុយកទៅរក្សាទុកនៅការិយាល័យចរាចរណ៍ផ្លូវគោក នៃស្នងការនគរបាលខេត្ត។
រីឯសពត្រូវបានសមត្ថកិច្ចជំនាញប្រគល់ទៅឲ្យសាច់ញាតិនិងក្រុមគ្រួសារយកទៅធ្វើបុណ្យតាមប្រពៃណី។
ដោយឡែកជនសង្ស័យបង្កហេតុបណ្ដាលឲ្យជនរងគ្រោះស្លាប់ សមត្ថកិច្ចជំនាញកសាងសំណុំរឿងបញ្ជូនទៅតុលាការចាត់ការទៅតាមនីតិវិធីច្បាប់៕
ដោយ៖ សូរិយា
