បារាំងពង្រឹងសន្តិសុខសម្រាប់ថ្ងៃឈប់សម្រាកថ្ងៃទី១ ឧសភា

ចែករំលែក៖

ក្រសួងមហាផ្ទៃបារាំងនឹងដាក់ពង្រាយប៉ូលិសនិងកម្លាំងសន្តិសុខ ចំនួន ១២.០០០ នាក់ និងប្រើប្រាស់ដ្រូន ដើម្បីធានាសន្តិសុខ។ ចំណាត់ការនេះកើតឡើងបន្ទាប់ពីសក្តានុពលនៃអំពើហិង្សាពីបាតុកម្មដែលមិនធ្លាប់មានពីមុនមកក្នុងទិវាពលកម្មអន្តរជាតិនៅថ្ងៃទី ១ ខែឧសភាឆ្នាំនេះ ប្រឆាំងនឹងច្បាប់កំណែទម្រង់សោធននិវត្តន៍ថ្មី។

យោងតាមអាជ្ញាធរបារាំង ការដង្ហែក្បួនក្នុងឱកាសទិវាពលកម្មអន្តរជាតិឆ្នាំ 2023 នឹងក្លាយជាឱកាសសម្រាប់សហជីពការងារ និងគណបក្សនយោបាយប្រឆាំងនៅប្រទេសបារាំង ដើម្បីប្រមូលផ្តុំប្រជាជនឱ្យរួបរួមគ្នា ដើម្បីបង្កើនការប្រឆាំងទៅនឹងគោលនយោបាយរបស់រដ្ឋាភិបាលបារាំង ពិសេស គោលនយោបាយ កំណែទម្រង់សោធននិវត្តន៍។
សេវាសម្ងាត់បារាំងបានព្រមានថានឹងមានប្រជាជនបារាំងប្រហែល 600.000 នាក់ចូលរួម គឺច្រើនជាង 5-6 ដងនៃទំហំឆ្នាំមុន ដែលនៅក្នុងទីក្រុងប៉ារីសតែម្នាក់ឯងអាចមានរហូតដល់ 100.000 នាក់។
ទីភ្នាក់ងារនេះក៏បានសម្តែងការព្រួយបារម្ភជាពិសេសអំពីហានិភ័យដែលក្រុមជ្រុលនិយមប្រហែល 2.000 នាក់ និងសមាជិករាប់ពាន់នាក់នៃចលនាអាវកាក់ពណ៌លឿងក្នុងឆ្នាំ 2019 នឹងលាយឡំគ្នាចូលទៅក្នុងការហែក្បួនដើម្បីញុះញង់បញ្ហា៕ ដោយ៖ ធីរីណា