សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមលទ្ធផលផ្លូវការរបស់ SeaGames 2023 បានបង្ហាញឱ្យដឹងថា គិតត្រឹមម៉ោង ៤រសៀលថ្ងៃទី៦ ខែឧសភា ឆ្នាំ២០២៣នេះ កម្ពុជានៅបន្ដឈរលេខរៀងទី១ ទទួលមេដាយច្រើនជាងគេ ១៩គ្រឿង ក្នុងនោះមេដាយមាស ៨គ្រឿង, មេដាយប្រាក់ចំនួន ៧គ្រឿង និងមេដាយសំរិទ្ធចំនួន ៤គ្រឿង។
សូមជម្រាបជូនថា សម្ដេចតេជោ ហ៊ុន សែន ក៏បានចូលរួមអបអរសាទរកីឡាករ និងកីឡាការិនី ជាច្រើននាក់ទៀតដែលបន្តយកឈ្នះមេដាយមាសជូនជាតិមាតុភូមិកម្ពុជា មានដូចខាងក្រោម៖
កីឡាករ សំ ចន្ទកាប៊ី និងកីឡាការិនី ឃុន ចន្ទរ៉សិកា ដែលបានឈ្នះមេដាយមាស ប្រភេទកីឡាសូហ្វតេនីស្ន លើវិញ្ញាសា វាយគូបុរស-នារី នៅឯវិមានពហុកីឡដ្ឋានជាតិអូឡាំពិក។
អបអរសាទរ កីឡាករ ម៉េត សារី, នី ទីហ្សា, ម៉ែន សុខវិច្ឆិកា និង អុឹម លាំងឈុង ដែលបានឈ្នះមេដាយមាស ប្រភេទកីឡាវ៉ូវីណាម លើវិញ្ញាសា សម្តែងក្រុមបុរស ៤នាក់ មេគុនអាវុធ(ដាវ) នៅមជ្ឈមណ្ឌលពិព័រណ៍អន្តរជាតិជ្រោយចង្វា។
អបអរសាទរ កីឡាករវ៉ូវីណាមកម្ពុជា អេ វីរៈខាំឈីតភូថង ដែលបានឈ្នះមេដាយមាស លើវិញ្ញាសា ប្រយុទ្ធឯកត្តជនបុរសនៅមជ្ឈមណ្ឌលពិព័រណ៍អន្តរជាតិជ្រោយចង្វារ។
អបអរសាទរ ក្រុមសីដក់ជម្រើសជាតិបុរសកម្ពុជា ដែលបានឈ្នះមេដាយមាស លើវិញ្ញាសា សីឈិនឡូន នៅពហុកីឡដ្ឋានជាតិអូឡាំពិក។
អបអរសាទរ កីឡាករគុនខ្មែរ កៅ ម៉េងហុង ដែលបានឈ្នះមេដាយមាស លើវិញ្ញាសាសម្ដែងគុនគ្រូ នៅពហុកីឡដ្ឋានជាតិមរតកតេជោ៕
ដោយ៖ សហការី
