សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានស្លាប់ខណៈបើកម៉ូតូក្នុងល្បឿនលឿនបានជ្រុលទៅបុកគម្របលូនៅវេលាម៉ោង ៧និង៣០ នាទីព្រឹកថ្ងៃទី ៧ខែឧសភា ឆ្នាំ២០២៣ ត្រង់ចំណុចមុខហាងពេញចិត្តលើផ្លូវលេខ ១៦៣ កែងនឹងផ្លូវលេខ២៤២ ស្ថិតក្នុងភូមិទី ១១ សង្កាត់វាលវង់ ខណ្ឌ ៧ មករា រាជធានីភ្នំពេញ។
បើតាមប្រភពព័ត៌មានពីលោក ង៉ែត សារុន អធិការរងខណ្ឌ៧មករាបានប្រាប់អោយដឹងថា ករណីគ្រោះថ្នាក់ចរាចរណ៍នេះបានកើតឡើងដោយសារបុរសម្នាក់អាយុប្រហែល២៥ឆ្នាំជិះម៉ូតូម៉ាកស៊ុយហ្ស៊ុយគីនិច ពណ៌សលាយខ្មៅ ពាក់ផ្លាកលេខកណ្ដាល1AF-7763 បានបើកបរម៉ូតូលើបណ្ដោយផ្លូវលេខ ១៦៣ ពីទិសខាងត្បូងទៅជើងក្នុងល្បឿនលឿនបានជ្រុលទៅបុកគម្របលូបណ្ដាលឱ្យស្លាប់ក្រោយពេលបញ្ជូនដល់មន្ទីរពេទ្យ។
បច្ចុប្បន្នសមត្ថកិច្ចបានយកសពទៅតម្កល់ទុកនៅវត្តទឹកថ្លាដើម្បីរកសាច់ញាតិ៕
ដោយ៖ ជីណា
