សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សូមចូលរួមអបអរសាទរដល់កីឡាករគុនខ្មែរ០២រូបដែលទទួលបានមេដាយមាស នោះគឺ ទី១ កីឡាករគុនខ្មែរ ម៉ាប់ ធារ៉ា បានឈ្នះមេដាយមាស លើវិញ្ញាសា គុនខ្មែរបុរស ទម្ងន់ ៤៥គីឡូក្រាម បន្ទាប់ពីយកឈ្នះកីឡាករវៀតណាម Vo Nhuan Phong នៃព្រឹត្តិការណ៍កីឡាស៊ីហ្គេម២០២៣ ការប្រកួតធ្វើនៅពហុកីឡដ្ឋានជាតិមរតកតេជោ, ថ្ងៃទី១០ ខែឧសភា ឆ្នាំ២០២៣ ។
និងទី២កីឡាករគុនខ្មែរ ភុន ពិសិដ្ឋ ដែលបានឈ្នះមេដាយមាស លើវិញ្ញាសាគុនខ្មែរបុរស ប្រភេទទម្ងន់ ៤៨គីឡូក្រាម បន្ទាប់ពីយកឈ្នះកីឡាករវៀតណាម Duong Duc Bao នៃព្រឹត្តិការណ៍កីឡាស៊ីហ្គេម២០២៣ ការប្រកួតធ្វើនៅសាលដំរី នៃពហុកីឡដ្ឋានជាតិមរតកតេជោ, ថ្ងៃទី១០ ខែឧសភា ឆ្នាំ២០២៣ ៕
ដោយ ៖ ភារ៉ា ដង្កោ
