សារព័ត៌មាន នគរវត្ត តែងតែនាំមុខគេជានិច្ច
ប្រធានអាជ្ញាកណ្តាលលោក Howard Webb និយាយថា អាកប្បកិរិយារបស់អ្នកចាត់ការទូទៅ និងកីឡាករចំពោះមន្ត្រីការប្រកួតក្នុងរដូវកាលនេះ “មិនទាន់ល្អគ្រប់គ្រាន់ទេ”។ អ្នកចាត់ការនៅក្របខ័ណ្ឌ Premier League មួយចំនួនរួមទាំងលោក Jurgen Klopp, Marco Silva និង Roberto di Zerbi បានជាប់បម្រាមលើបណ្តាញទំនាក់ទំនងបន្ទាប់ពីត្រូវបានបណ្តេញចេញ។
លោក Webb អះអាងថា វិធីសាស្រ្តខ្លាំងគឺចាំបាច់ដើម្បីព្យាយាម និងដោះស្រាយបញ្ហានេះ។ លោកថា “យើងត្រូវការអ្នកគ្រប់គ្នានៅក្នុងការប្រកួតដែលគាំទ្រចលនាឆ្ពោះទៅរកបរិយាកាសដែលគួរឱ្យគោរព” ។
ថ្លែងទៅកាន់ BBC Sport ប្រធានអាជ្ញាកណ្តាលនៃ Professional Game Match Officials Limited បានបន្ថែមថា “វាច្បាស់ណាស់ថាវាមិនទាន់ល្អគ្រប់គ្រាន់ទេ។ មនុស្សគ្រប់គ្នាទទួលស្គាល់ថាយើងត្រូវតែរឹងមាំបន្ថែមទៀតក្នុងការដោះស្រាយអាកប្បកិរិយាមិនស្ថិតក្នុងកម្រិតដែលអាចទទួលយកបាន។ ខ្ញុំគិតថា ជាយូរមកហើយដែលអាជ្ញាកណ្តាលបានប្រើវិធីផ្សះផ្សា ខ្ញុំក៏ធ្វើវាដែរ។ ខ្ញុំមិនចង់ប្រតិកម្មខ្លាំងពេក និងបំផ្លាញការប្រកួតក្នុងពេលនេះ ប៉ុន្តែវាមិនដំណើរការល្អនៅក្នុងរូបភាពធំជាងនេះទេ ហើយយើងត្រូវពិនិត្យមើលជារួមនូវវិធីដែលយើងអាចផ្លាស់ប្តូរនិន្នាការនេះ វាត្រូវការការផ្លាស់ប្តូរ។ យើងទាំងអស់គ្នាទទួលយកវា”។
បញ្ហានៃអាកប្បកិរិយារបស់អ្នកចាត់ការទូទៅ និងកីឡាករចំពោះមន្ត្រីត្រូវបានគេយកចិត្តទុកដាក់ក្នុងរដូវកាលនេះ បន្ទាប់ពីមានឧបទ្ទវហេតុល្បីៗជាច្រើន។ គ្រូបង្វឹកក្រុម Liverpool លោក Klopp ត្រូវបានពិន័យមួយប្រកួត បន្ទាប់ពីគាត់ត្រូវបានបណ្តេញចេញពីការប្រកួតទល់នឹងក្រុម Manchester City កាលពីខែតុលា សម្រាប់ការស្តីបន្ទោសជំនួយការរបស់អាជ្ញាកណ្តាល។ បុរសសញ្ជាតិអាឡឺម៉ង់រូបនេះក៏កំពុងរង់ចាំលទ្ធផលនៃការចោទប្រកាន់របស់សមាគមបាល់ទាត់សម្រាប់ការអត្ថាធិប្បាយដែលគាត់បានធ្វើអំពីអាជ្ញាកណ្តាល Paul Tierney បន្ទាប់ពីការប្រកួតជាមួយ Tottenham កាលពីខែមុន។
អ្នកចាត់ការក្រុម Fulham លោក Silva បានអនុវត្តបម្រាម២ដាច់ដោយឡែកពីគ្នា រួមទាំងឧប្បត្តិហេតុមួយអំឡុងពេលប្រកួត FA Cup ចាញ់ Manchester United ក្នុងខែមីនា ដែលឃើញខ្សែប្រយុទ្ធ Aleksandar Mitrovic ត្រូវបានហាមប្រាម៨ប្រកួតសម្រាប់ការរុញអាជ្ញាកណ្តាលលោក Chris Kavanagh ។
គ្រូបង្វឹករបស់ Brighton លោក Di Zerbi ត្រូវបានបណ្តេញចេញ២ដងនៅរដូវកាលនេះ រួមទាំងការប៉ះទង្គិចគ្នាផងដែរដែលបន្ទាប់មកអ្នកចាត់ការបណ្តោះអាសន្នរបស់ក្រុម Tottenham លោក Cristian Stellini ត្រូវបានបណ្តេញចេញ និងបានបម្រើការហាមប្រាមមួយខ្សែ។
លោក Webb និយាយថា មានការចង់បានពីគ្រប់ភាគីទាំងអស់ ដើម្បីដោះស្រាយបញ្ហានេះ ហើយសង្ឃឹមថាការផ្លាស់ប្តូរដែលបានអនុវត្តនៅរដូវក្តៅនឹងមានផលប៉ះពាល់ជាវិជ្ជមាន។
លោកបានបញ្ជាក់ថា “មួយរយៈឥឡូវនេះមានក្រុមមនុស្សមកពីគ្រប់ផ្នែកនៃការប្រកួតបានមកជួបជុំគ្នាដើម្បីមើលអាកប្បកិរិយារបស់អ្នកចូលរួម ហើយបង្កើតជំហានមួយចំនួនដែលយើងគិតថានឹងធ្វើឱ្យមានការផ្លាស់ប្តូរ ហើយវានឹងត្រូវបានអនុវត្តក្នុងអំឡុងពេលបិទរដូវកាល។ យើងនឹងនិយាយទៅកាន់ក្លិប អ្នកគ្រប់គ្រង កីឡាករ សារព័ត៌មាន អ្នកពាក់ព័ន្ធទាំងអស់ ដើម្បីដាក់ចេញនូវអ្វីដែលពួកគេមើលទៅ។ ខ្ញុំយល់ថាមានបំណងប្រាថ្នាខ្លាំងជាងពេលមុនសម្រាប់រឿងនេះកើតឡើង។ យើងមានផលិតផលដ៏អស្ចារ្យ និងលីគដ៏អស្ចារ្យ ហើយយើងមិនត្រូវការអាកប្បកិរិយាមួយចំនួនដែលយើងបានឃើញដើម្បីបន្ត” ៕
ដោយ៖ ភារៈ(រូបភាព ៖ BBC Sport)
