សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័រមួយគ្រឿងបេីកលឿនមិនប្រយ័ត្នជ្រុលបុករថយន្តស្តារិចពីក្រោយនិងរបាំងថ្មពុះចែកទ្រូងផ្លូវបណ្តាលឱ្យរងការខូចខាតមួយកង់ទៀត កាលពីវេលាម៉ោង៣និង២០នាទីរសៀលថ្ងៃទី២៧ ខែឧសភា ឆ្នាំ២០២៣ នៅចំណុចមុខសាលាសង្កាត់ចោមចៅទី៣ តាមបណ្តោយផ្លូវជាតិលេខ៤ ស្ថិតក្នុងភូមិព្រៃព្រីងជេីង១ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកស្តារិច ពណ៌ទឹកប្រាក់ ពាក់ស្លាកលេខភ្នំពេញ2AZ 0512 ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីកេីតទៅលិចខណៈមកដល់ចំណុចកេីតហេតុក៏បន្ថយល្បឿនព្រោះមានរថយន្តមួយគ្រឿងបេីកឆ្លងផ្លូវភ្លាមនោះមានរថយន្តកុងតឺន័រមួយគ្រឿង ក្បាលពណ៌ស ពាក់ស្លាកលេខភ្នំពេញ3D 8394 ធ្វេីដំណេីរមកពីក្រោយចាប់ហ្វ្រាំងមិនជាប់ក៏ជ្រុលបុករថយន្តស្តារិចរួចទាញចង្កូតមកខាងឆ្វេងដៃក៏បុករបាំងថ្មពុះចែកទ្រូងផ្លូវរងការខូចខាតមួយកង់ទៀត។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុសម្រួលចរាចរណ៍ទាក់ទងទៅជំនាញមកធ្វេីការវាស់វែងយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយពេលក្រោយ៕
ដោយ៖ សុខាសែនជ័យ
