សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបេីករថយន្តដឹកទំនិញមួយគ្រឿង ក្នុងល្បឿនលឿន ហេីយស្រាប់តែគេចពីម៉ូតូមួយគ្រឿងទៀត ក៏ជ្រុលចង្កូតទៅបុករបាំងថ្មពុះចែកទ្រូងផ្លូវវៀចអស់០២កង់ និងបណ្ដាលឱ្យរថយន្តបង្ករងការខូចខាតថ្ពាល់មួយចំហៀង ។
ករណីគ្រោះថ្នាក់ចរាចរណ៍ខាងលើនេះបានកើតឡើងនៅវេលាម៉ោង ១០និង៤០នាទីព្រឹកថ្ងៃទី២៨ ខែមិថុនា ឆ្នាំ២០២៣ ស្ថិតនៅតាមបណ្ដោយផ្លូវ២៧១ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
តាមសម្ដីបុរសម្នាក់ជាតៃកុងរថយន្តបង្កម៉ាក ហុីយ៉ាន់ដាយ ប្រភេទរថយន្តឃ្លុបដឹកទំនិញ ពណ៌ស ពាក់ផ្លាកលេខភ្នំពេញ 3B-6656 បានធ្វេីដំណេីរតាមបណ្ដោយផ្លូវ២៧១ ទិសដៅពីត្បូងទៅជេីងក្នុងល្បឿនលឿនល្មម ខណៈមកដល់ចំណុចកេីតហេតុ ស្រាប់តែមានម៉ូតូមួយគ្រឿងជិះវ៉ាកាត់ពីមុខ ធ្វេីឱ្យរូបគាត់ទាញចង្កូតមកឆ្វេងដៃបុករបាំងថ្មពុះចែកទ្រូងផ្លូវវៀចអស់ចំនួន០២កង់ និងធ្វេីឱ្យរថយន្តរងការខូចខាតថ្ពាល់ចំហៀងខាងឆ្វែងជាខ្លាំង តែមិនបង្កគ្រោះថ្នាក់ដល់មនុស្សណាម្នាក់នោះឡេីយ ។
ក្រោយកើតហេតុ កម្លាំងសមត្ថកិច្ចមូលដ្ឋានបានចុះមកដល់កន្លែងកេីតហេតុ នឹងបានទាក់ទងទៅសមត្ថកិច្ចជំនាញរបស់ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ឱ្យចុះមកធ្វេីការវាស់វែងយករថយន្តបង្កទៅរក្សាទុក ដើម្បីរង់ចាំការដោះស្រាយគ្នាតាមក្រោយ ៕
ដោយ ៖ ភារ៉ា ដង្កោ
