សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា តាមរយៈប្រព័ន្ធ Telegram បានណែនាំអាជ្ញាធរទាំងថ្នាក់ជាតិ ក្រោមជាតិ និងកងកម្លាំងប្រដាប់អាវុធ ចូលតាមដានគណនីtelegram twitter និងTikTok របស់សម្តេច ដើម្បីឆ្លើយតបទៅនឹងសំណើ និងសំណូមពររបស់ប្រជាពលរដ្ឋ។
ទន្ទឹមនឹងការណែនាំឱ្យអាជ្ញាធរតាមដានសំណូមពររបស់ប្រជាពលរដ្ឋនៅតាមគណនីនៃបណ្តាញសង្គមរបស់សម្តេចទាំង៣នេះហើយ សម្តេចតេជោនាយករដ្ឋមន្ត្រី ក៏បានណែនាំប្រជាពលរដ្ឋបង្កើតគណនីបណ្តាញសង្គម telegram,twitter និង TikTok ហើយភ្ជាប់ជាមួយសម្តេច ដើម្បីផ្តល់ព័ត៌មាន ឬផ្តល់សំណូមពរនានាទៅកាន់សម្តេចផងដែរ។
សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានមានប្រសាសន៍ថា : ” បងប្អូនជនរួមជាតិ! ពេលមុនបងប្អូនស្វែងរកការផ្តល់ព័ត៌មានឬរកការជួយពីខ្ញុំតាមរយៈហ្វេសប៊ុក។
សម្តេចតេជោ ថ្លែងថា : ពេលនេះខ្ញុំបញ្ចប់ការប្រើហ្វេសប៊ុកដោយខ្លួនឯងដោយងាកទៅប្រើតេឡេក្រាម ធ្វីសធឺ តិកតុក(telegram,twitter, TikTok)ជំនួសវិញ។
សម្តេចតេជោ បញ្ជាក់ថា : ដើម្បីទទួលបានព័ត៌មានពីខ្ញុំផ្តល់មតិឲ្យខ្ញុំ ឬស្នើសុំឲ្យខ្ញុំជួយសូមបង្កើតប្រសិនមិនទាន់មាននិងសូមភ្ជាប់ជាមួយបណ្តាញទាំង៣ខាងលើនេះរបស់ខ្ញុំ។
បណ្តាញទាំង៣ខ្ញុំបើកឲ្យចូលមានមតិបានគ្រប់បណ្តាញ។
សម្តេចមានប្រសាសន៍ថា : ខ្ញុំសូមឲ្យគ្រប់ស្ថាប័នទាំងថ្នាក់ជាតិនិងថ្នាក់ក្រោមជាតិកងកម្លាំងប្រដាប់អាវុធគ្រប់ប្រភេទដែលធ្លាប់មានក្រុមតាមដានផេក ហ្វេសប៊ុករបស់ខ្ញុំទៅតាមដានគណនី Telegram,twitter,TikTok របស់ខ្ញុំវិញព្រោះមតិប្រជាជនមាននៅតាមបណ្តាញទាំង៣នេះ។
បើទោះជាខ្ញុំបោះបង់ចោលហ្វេសប៊ុកតែសម្តេចតេជោ ហ៊ុន សែន ថ្លែងថា : ខ្ញុំនៅតែមានលទ្ធភាពទទួលយោបល់និងសំណូមពរប្រជាជនបានកាន់តែទូលំទូលាយជាងមុនតាមរយៈបណ្តាញសង្គមទាំង៣នេះគឺtelegram ,twitter , TikTok ៕
ដោយ : សិលា
