សារព័ត៌មាន នគរវត្ត តែងតែនាំមុខគេជានិច្ច
ប្រព័ន្ធផ្សព្វផ្សាយចំនួនពីរបានរាយការណ៍កាលពីថ្ងៃទី ២៦ ខែកក្កដាថា រដ្ឋាភិបាលយោធាមីយ៉ាន់ម៉ា ប្រហែលជាបានផ្ទេរលោកស្រី Aung San Suu Kyi ពីពន្ធនាគារទៅឃុំខ្លួនក្នុងផ្ទះ។
អ្នកនយោបាយស្ត្រីអាយុ ៧៨ ដែលបានឈ្នះរង្វាន់ណូបែលសន្តិភាពត្រូវបានចាប់ដាក់គុកតាំងពីដើមឆ្នាំ២០២១ ។ នៅពេលដែលកងទ័ពបានធ្វើរដ្ឋប្រហារដើម្បីផ្តួលរំលំរដ្ឋាភិបាលជាប់ឆ្នោតបានឈានទៅដល់ភាពវឹកវរជាមួយនឹងការតវ៉ា និងការគាបសង្កត់ជាច្រើន។
មន្ត្រីសន្តិសុខមីយ៉ាន់ម៉ាម្នាក់បានប្រាប់សារព័ត៌មាន Associated Press ថា លោកស្រី ស៊ូជី នឹងត្រូវដាក់ឱ្យស្ថិតនៅក្រោមការឃុំខ្លួនក្នុងផ្ទះ ដែលជាផ្នែកមួយនៃការបន្ធូរបន្ថយរបស់រដ្ឋសម្រាប់អ្នកទោស នៅមុនពិធីសាសនាមួយនៅសប្តាហ៍ក្រោយ។
BBC មីយ៉ាន់ម៉ាបានដកស្រង់ “ប្រភពជិតស្និទ្ធនឹងពន្ធនាគារ” បាននិយាយថា អ្នកនាំពាក្យរបបយោធាមីយ៉ាន់ម៉ាមិនបានឆ្លើយតបនឹងសំណើសុំការអត្ថាធិប្បាយទេ។ មេធាវីរបស់លោកស្រី ស៊ូជី និងអ្នកនាំពាក្យរដ្ឋាភិបាលរួបរួមជាតិ (NUG) លោក Kyaw Zaw បាននិយាយថា “ព័ត៌មានអំពីការកែលម្អស្ថានភាពគឺត្រូវបានស្វាគមន៍ ប៉ុន្តែវាមិនផ្លាស់ប្តូរការពិតដែលថាលោកស្រីជាអ្នកទោសមនសិការនោះទេ” ។
លោកស្រី ស៊ូជី ត្រូវបានកាត់ទោសពីបទឧក្រិដ្ឋកម្មជាច្រើន ចាប់ពីការញុះញង់ និងការក្លែងបន្លំការបោះឆ្នោត រហូតដល់អំពើពុករលួយ ជាមួយនឹងទោសជាប់ពន្ធនាគារសរុបរហូតដល់ ៣៣ ឆ្នាំ ប៉ុន្តែលោកស្រីបានបដិសេធការចោទប្រកាន់ទាំងនេះ៕ ដោយ៖ ធីរីណា
រូបថត៖ Reuters
