សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ លោកវសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន នៅថ្ងៃទី២៨ ខែកក្កដា ឆ្នាំ២០២៣នេះ ដឹកនាំកម្លាំងអធិការដ្ឋាននគរបាលស្រុកភ្នំព្រឹក និងស្រុកមោងឫស្សី បានធ្វេីការបង្ក្រាបករណីប្រេីប្រាស់គ្រឿងញៀនខុសច្បាប់ចំនួន ០២លេីក។
ការបង្ក្រាបលេីកទី១ កម្លាំងជំនាញប្រឆាំងគ្រឿងញៀន សហការជាមួយប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកភ្នំព្រឹក ចុះបង្រ្កាបបានឃាត់ខ្លួនមុខសញ្ញាប្រើប្រាស់ដោយខុសច្បាប់នូវសារធាតុញៀនម្នាក់ឈ្មោះ លឹម សុខគា ភេទប្រុស អាយុ២៦ឆ្នាំ រស់នៅភូមិអូរដា ឃុំបួ ស្រុកភ្នំព្រឹក ខេត្តបាត់ដំបង។
ការបង្ក្រាបលេីកទី២ កម្លាំងជំនាញប្រឆាំងគ្រឿងញៀន សហការជាមួយប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកមោងឫស្សី ចុះបង្រ្កាបបានឃាត់ខ្លួនមុខសញ្ញាប្រើប្រាស់ដោយខុសច្បាប់នូវសារធាតុញៀនម្នាក់ឈ្មោះ សេក ណយ ភេទប្រុស អាយុ២៣ឆ្នាំ រស់នៅភូមិចកតូច ឃុំកកោះ ស្រុកមោងឫស្សី ខេត្តបាត់ដំបង។
គួរបញ្ជាក់ថា ករណីនេះ កម្លាំងនគរបាលស្រុកភ្នំព្រឹក និងស្រុកមោងឫស្សី បានកសាងសំណុំរឿងបញ្ជូនទៅមណ្ឌលកែប្រែពិភពនៃក្តីសង្ឃឹម ស្រុកបវេល ខេត្តបាត់ដំបង ដើម្បីបន្សាបគ្រឿងញៀនតាមបណ្តឹង និងសំណូមពររបស់ក្រុមគ្រួសារ និងអាណាព្យាបាល៕
ដោយ៖ សហការី
