សារព័ត៌មាន នគរវត្ត តែងតែនាំមុខគេជានិច្ច
លោក Roberto Mancini បានលាលែងពីដំណែងជាអ្នកចាត់ការទូទៅរបស់អ៊ីតាលី បន្ទាប់ពីដឹកនាំក្រុមជម្រើសជាតិមួយនេះបាន៥ឆ្នាំ។ គ្រូបង្វឹកសញ្ជាតិអ៊ីតាលីវ័យ៥៨ឆ្នាំរូបនេះបានចូលដឹកនាំក្រុមបន្ទាប់ពីពួកគេបរាជ័យក្នុងការប្រកួតបាល់ទាត់ពិភពលោកឆ្នាំ២០១៨ និងបាននាំឱ្យពួកគេទទួលបានជ័យជម្នះនៅ Euro 2020 ដោយបានផ្តួលក្រុមអង់គ្លេសដោយបាល់ប៉េណាល់ទីនៅវគ្គផ្តាច់ព្រ័ត្រនៅ Wembley។
ក្រុមនេះបានបន្តកំណត់ត្រាពិភពលោក៣៧ប្រកួតមិនដែលចាញ់ ប៉ុន្តែបន្ទាប់មកបានបរាជ័យក្នុងការប្រកួត World Cup ឆ្នាំ២០២២។ អ្នកស្នងតំណែងពីអតីតអ្នកចាត់ការក្រុមមេឃខៀវ Manchester City នឹងត្រូវដាក់ឈ្មោះថា “នៅប៉ុន្មានថ្ងៃខាងមុខ”។
សហព័ន្ធបាល់ទាត់អ៊ីតាលី (FIGC) បានប្រកាសថា “សហព័ន្ធបាល់ទាត់អ៊ីតាលីប្រកាសថា ខ្លួនបានកត់សម្គាល់ពីការលាលែងពីតំណែងរបស់ Roberto Mancini ពីតំណែងគ្រូបង្វឹកនៃក្រុមជម្រើសជាតិអ៊ីតាលី ដែលបានទទួលកាលពីថ្ងៃសៅរ៍” ។
សហព័ន្ធបាល់ទាត់អ៊ីតាលីបានបញ្ជាក់ថា ដូច្នេះបញ្ចប់ទំព័រដ៏សំខាន់មួយនៅក្នុងប្រវត្តិសាស្ត្ររបស់អ៊ីតាលី ដែលបានចាប់ផ្តើមនៅក្នុងខែឧសភា ឆ្នាំ២០១៨ និងបានបញ្ចប់ជាមួយនឹងការប្រកួតវគ្គផ្តាច់ព្រ័ត្រ Nations League ឆ្នាំ២០២៣ ហើយនៅចន្លោះនោះ ជ័យជម្នះនៅ Euro 2020 ដែលជាជ័យជំនះមួយត្រូវបានកត់ត្រាដោយក្រុមដែលបុគ្គលទាំងអស់បានដឹងពីរបៀបដើម្បីក្លាយជាក្រុមខ្លាំង។
អ៊ីតាលីឈរលេខ៣ក្នុងពូលជម្រុះ Euro 2024 ដោយចាញ់អង់គ្លេសរបស់លោក Gareth Southgate ក្នុងខែមីនា។ ការប្រកួតបន្ទាប់របស់អ៊ីតាលីគឺទល់នឹង North Macedonia នៅថ្ងៃទី៩ ខែកញ្ញា និងអ៊ុយក្រែននៅថ្ងៃទី១២ ខែកញ្ញា។
អតីតខ្សែបម្រើអ៊ីតាលី និង Sampdoria លោក Mancini បានដឹកនាំក្លិបManchester City ឈ្នះជើងឯក Premier League ជាលើកដំបូងរបស់ពួកគេក្នុងឆ្នាំ២០១២។ បន្ថែមពីលើភាពជោគជ័យក្នុងអឺរ៉ូរបស់គាត់ក្នុងខែកក្កដា ឆ្នាំ២០២១ អ៊ីតាលីបានបញ្ចប់ក្នុងចំណាត់ថ្នាក់លេខ៣ក្នុងពានរង្វាន់ Nations League ក្នុងខែមិថុនា។ គាត់បានរងសម្ពាធបន្ទាប់ពីអ៊ីតាលីបរាជ័យក្នុងការប្រកួតជម្រុះ World Cup Qatar ក្នុងខែមីនា ឆ្នាំ២០២២ ដោយចាញ់ក្រុម North Macedonia ក្នុងវគ្គ Play-off៕
ដោយ៖ ភារៈ(រូបភាព ៖ BBC Sport)
