សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ពលរដ្ឋរស់នៅជិតខាងបានបង្ហេីបថា សង្ស័យថាជាភ្លេីងប្រចណ្ឌ ទើបប្ដីអប្រីយចាក់ប្រពន្ធខ្លួនឯងឱ្យរងរបួសធ្ងន់ធ្ងរនិងបានស្លាប់ពេលបញ្ជូនដល់មន្ទីរពេទ្យ ដោយបង្កការភ្ញាក់ផ្អេីលដល់អាជ្ញាធរមូលដ្ឋានខណ្ឌមានជ័យនាព្រឹកថ្ងៃទី១៧ ខែសីហា ឆ្នាំ២០២៣នេះ ។
តាមប្រភពព័ត៌មានពីពលរដ្ឋបានឱ្យដឹងថា ករណីឃាតកម្មខាងលេីនេះបានកេីតឡេីងនៅវេលាម៉ោងប្រមាណ១១យប់ ថ្ងៃទី១៦ ខែសីហា ឆ្នាំ២០២៣ នៅក្នុងភូមិព្រែកតាគង់៣ សង្កាត់ចាក់អង្រែលេី ខណ្ឌមានជ័យ រាជធានីភ្នំពេញ ខណៈពេលដែលប្ដីបានចាក់ប្រពន្ធឱ្យរងរបួសធ្ងន់ធ្ងររួចហើយក៏នាំយកកូនប្រុសម្នាក់ អាយុ៦ឆ្នាំទៅជាមួយគេចខ្លួនបាត់ស្រមោល រីឯស្ត្រីរងគ្រោះត្រូវបានបងប្អូនប្រជាពលរដ្ឋរស់នៅជិតខាងដឹកយកទៅសង្គ្រោះនៅមន្ទីរពហុព្យាបាល មេឌ ១១៥ ជាប់ផ្លូវជាតិលេខ២ ក្នុងសង្កាត់ចាក់អង្រែលេី ខណ្ឌមានជ័យ រាជធានីភ្នំពេញទាំងយប់ តែអកុសលក៏បានស្លាប់បាត់បង់ជីវិត ។
ជនដៃដល់និងស្ត្រីរងគ្រោះជាជនជាតិវៀតណាមដូចគ្នា និងមានកូនប្រុសស្រីពីរនាក់ រស់នៅទីតាំងកេីតហេតុ ។
ក្រោយកើតហេតុ សមត្ថកិច្ចជំនាញបានចុះមកពិនិត្យនិងធ្វើកោសល្យវិច័យសពស្ត្រីរងគ្រោះដល់មន្ទីរពេទ្យ និងធ្វេីការស្រាវជ្រាវរកជនដៃដល់ដែលជាប្ដី យកមកផ្ដន្ទាទោសតាមច្បាប់ ៕
ដោយ ៖ ភារ៉ា ដង្កោ
