សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ នាយករដ្ឋមន្ត្រី នៃកម្ពុជា លោកកិត្តិទេសាភិបាលបណ្ឌិត ហ៊ុន ម៉ាណែត បានលើកឡើងថា រដ្ឋាភិបាលនិងមិនខ្លាចចំណាយលុយដើម្បីការពារប្រយោជន៍ប្រជាពលរដ្ឋនោះទេ។ លោកថាអាយុជីវិតប្រជាពលរដ្ឋជាសំខាន់។
លោកបណ្ឌិត ហ៊ុន ម៉ាណែត បានថ្លែងដោយលោកឧទាហរណ៍កាលពីកម្ពុជារងគ្រោះពីជំងឺកូវីដ-១៩ រដ្ឋាភិបាលក្រោមការដឹកនាំរបស់សម្ដេចតេជោ បានសម្រេចដោយមិនស្ដាយនូវកញ្ចប់លុយដ៏ធំមួយដើម្បីទិញវ៉ាក់សាំងមកចាក់ជូនប្រជាពលរដ្ឋរបស់ខ្លួនដែលឥតគិតថ្លៃ។
លោកបណ្ឌិតបន្តថា, ក្រោមការដឹកនាំរបស់លោកក៏នៅតែរក្សាប្រយោជន៍ពលរដ្ឋជាធំដូចគ្នា ដោយថាមានពលរដ្ឋទើបមានប្រទេស ទឹកដី និងការអភិវឌ្ឍ។
លោកថា៖ «អញ្ចឹងការយកចិត្តទុកដាក់ទៅលើប្រជាពលរដ្ឋគឺជាការសំខាន់»។
លោកថ្លែងបែបនេះ ក្នុងពិធីជួបជាមួយនឹងកម្មករជិត ២ម៉ឺននាក់នៅក្នុងក្រុងតាខ្មៅ ខេត្តកណ្ដាល ព្រឹកថ្ងៃទី០១ ខែកញ្ញា ឆ្នាំ២០២៣ ។
លោកបណ្ឌិត ហ៊ុន ម៉ាណែត មានប្រសាសន៍ទៀតថា ៖ រាជរដ្ឋាភិបាល ធានាបាននូវភាពសុខសាន្តរបស់ប្រជាពលរដ្ឋទោះបីក្នុងស្ថានភាពលំបាកក៏ដោយ !
លោកកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានថ្លែងថា រាជរដ្ឋាភិបាល ធានាបាននូវភាពសុខសាន្តរបស់ប្រជាពលរដ្ឋទោះបីក្នុងស្ថានភាពលំបាកក៏ដោយ ជាក់ស្តែងនៅក្នុងដំណាក់កាលនៃការឆ្លងរាលដាលនៃជំងឺកូវីដ-១៩។
លោកកិត្តិទេសាភិបាលបណ្ឌិត ហ៊ុន ម៉ាណែត បានគូសបញ្ជាក់ថា រាជរដ្ឋាភិបាល បានអនុវត្តដោយជោគជ័យនូវនយោបាយចាក់វ៉ាក់សាំង ដើម្បីការពារអាយុជីវិតរបស់ប្រជាពលរដ្ឋ ទើបយើងអាចមានឱកាសបានបើកប្រទេសឡើងវិញ និងបានជួបជុំគ្នាដូចពេលនេះ។
លោកកិត្តិទេសាភិបាលបណ្ឌិត ហ៊ុន ម៉ាណែត ក៏បានថ្លែងអំណរគុណដល់ប្រជាពលរដ្ឋទាំអស់ដែលបានជឿជាក់ និងផ្តល់ទំនុកចិត្តមកលើគណបក្សប្រជាជនកម្ពុជា ឱ្យបន្តដឹកនាំប្រទេសជាបន្តទៀត ជាពិសេសគឺលទ្ធផលនៃការបោះឆ្នោតកាលពីថ្ងៃទី២៣ ខែកក្កដា ឆ្នាំ២០២៣ ដែលបានធ្វើឱ្យគណបក្សប្រជាជនកម្ពុជាឈ្នះភ្លូកទឹកភ្លូកដី៕
ដោយ ៖ សិលា
