សារព័ត៌មាន នគរវត្ត តែងតែនាំមុខគេជានិច្ច
ក្លិបមេឃខៀវ Manchester City នឹងផ្តល់ជូន Erling Haalandនូវកិច្ចសន្យាថ្មីដ៏ធំមួយដែលមានតម្លៃជិតទ្វេដងនៃប្រាក់ខែបច្ចុប្បន្នរបស់គាត់។ នៅពេលនេះកីឡាករសញ្ជាតិន័រវេសដ៏ឆ្នើមរូបនេះទទួលបាន៣៧៥,០០០ផោនក្នុងមួយសប្តាហ៍ ដែលធ្វើឲ្យគាត់ក្លាយជាអ្នករកចំណូលបានច្រើនជាងគេរបស់ Man City ជាមួយនឹងប្រធានក្រុម Kevin de Bruyne។
ការបន្ថែមនេះត្រូវបានកំណត់ថា នឹងផ្លាស់ប្តូរយ៉ាងខ្លាំងជាមួយនឹងម្ចាស់ស្បែកជើងមាសរូបនេះក្នុងការធានា Haaland វ័យ២៣ឆ្នាំឲ្យស្នាក់នៅរយៈពេលវែង ហើយធានាថា គាត់មិនត្រូវបានទាក់ទាញដោយ Real Madrid ឬការផ្តល់ប្រាក់យ៉ាងច្រើននៅក្នុងប្រទេសអារ៉ាប៊ីសាអ៊ូឌីត។
Man City កំពុងរៀបចំប្រគល់ឱ្យអតីតកីឡាករ Borussia Dortmund រូបនេះនូវកិច្ចសន្យាមូលដ្ឋាន៦០០,០០០ផោនក្នុងមួយសប្តាហ៍ ប្រសិនបើគាត់យល់ព្រមបន្តការស្នាក់នៅរបស់គាត់លើសពីខែមិថុនា ឆ្នាំ២០២៧។ នោះស្មើនឹងការកើនឡើងប្រាក់ឈ្នួល៦០.៥% សម្រាប់អ្នកឈ្នះស្បែកជើងមាស Premier League កាលពីរដូវកាលមុន។
នៅក្នុងរដូវកាលដំបូងរបស់គាត់នៅ Premier League ខ្សែប្រយុទ្ធ Haaland បានស៊ុតបញ្ចូលទី៥២គ្រាប់ដ៏អស្ចារ្យនៅក្នុងការប្រកួតទាំងអស់សម្រាប់ក្រុមដែលជួយក្រុមឈ្នះពានរង្វាន់ទាំងអស់ក្រោមការដឹកនាំរបស់លោក Pep Guardiola ។
Man City តែងតែមានបំណងផ្តល់រង្វាន់ដល់សមិទ្ធផលដែលបំបែកកំណត់ត្រាទាំងនោះជាមួយនឹងកិច្ចសន្យាថ្មីដែលប្រសើរឡើងគួរឱ្យកត់សម្គាល់សម្រាប់តារាឆ្នើមរបស់ពួកគេចំនួន៥១.២លានផោន ប៉ុន្តែជាមួយនឹងក្រុមយក្សរបស់អេស្ប៉ាញ Real Madrid មានការកោតសរសើរយ៉ាងខ្លាំង ហើយក្រុម Saudi Pro League ដែលកំពុងត្រៀមចរចាកាន់តែច្រើនជាងមុន ធ្វើឲ្យក្រុមម្ចាស់ជើងឯកអង់គ្លេសត្រូវបានបង្ខំឱ្យកែប្រែប្រាក់ឈ្នួល។ ហេតុដូច្នេះហើយ Haaland អាចរំពឹងថានឹងក្លាយជាកីឡាករបាល់ទាត់ដែលមានប្រាក់ខែខ្ពស់បំផុតទាំង៨នៅលើភពផែនដីជាមួយនឹងប្រាក់បៀវត្សរ៍ប្រចាំឆ្នាំរបស់គាត់ពី ១៩.៥លានផោនទៅ៣២.៥លានផោន ប្រសិនបើគាត់បន្តនៅប៉ុន្មានខែខាងមុខនេះ។
មុនពេលប្រកួតកាលពីថ្ងៃសៅរ៍ជាមួយក្រុម Fulham ខ្សែប្រយុទ្ធHaaland បានចាប់ផ្តើមរដូវកាលជាមួយនឹងគ្រាប់បាល់ចំនួន៣គ្រាប់ក្នុងការប្រកួតចំនួន៥ដោយធ្វើឱ្យចំនួនសរុបរបស់គាត់សម្រាប់ក្លិបឈានដល់៥៥គ្រាប់ពី៥៨ប្រកួត។ ជាមួយនឹងការស៊ុតបញ្ចូលទីដ៏គួរឱ្យចាប់អារម្មណ៍យ៉ាងខ្លាំងក្នុងជ័យជម្នះ ៥–១ លើក្រុមរបស់លោកMarco Silva នៅ Etihad ផងដែរ ៕
ដោយ៖ ភារៈ(រូបភាព ៖ dailystar.com)
