សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកគួច សុភា អធិការរងទទួលផែនព្រហ្មទណ្ឌខណ្ឌសែនសុខបានឲ្យដឹងថា នគរបាលខណ្ឌសែនសុខសហការជាមួយកម្លាំងនគរបាលនាយកដ្ឋានព្រហ្មទណ្ឌក្រសួងមហាផ្ទៃកម្លាំងអធិការដ្ឋានស្រុកកណ្តាលស្ទឹងខេត្តកណ្តាល កម្លាំងស្នងការដ្ឋានខេត្តតាកែវបានធ្វេីការស្រាវជ្រាវឈានដល់បង្ក្រាបនិងឃាត់ខ្លួនបានក្រុមជនសង្ស័យប្រុសស្រី៧នាក់ករណីលួចមានស្ថានទម្ងន់ទោស(គាស់ទូកុងតឺន័រ)យកស្រាបៀរកម្ពុជា។ លោកអធិការរងបន្តទៀតថា ករណីបង្ក្រាបជនសង្ស័យខាងលើនេះធ្វើឡើងកាលពីថ្ងៃសៅរ៍០៩រោច ខែស្រាពណ៍ ឆ្នាំថោះ បញ្ចស័ក ពស២៥៦៧ ត្រូវនឹងថ្ងៃទី០៩ខែកញ្ញាឆ្នាំ២០២៣នៅក្នុងស្រុកកណ្តាលស្ទឹងខេត្តកណ្តាល។ លោកអធិការរងនគរបាលខណ្ឌសែនសុខបានបន្តឱ្យដឹងទៀតថា ដោយមានការដឹកនាំបញ្ជាផ្ទាល់ពីលោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ កម្លាំងផ្នែកជំនាញព្រហ្មទណ្ឌខណ្ឌ បានធ្វេីការស្រាវជ្រាវនិងសហការជាមួយកម្លាំងនគរបាលនាយកដ្ឋានព្រហ្មទណ្ឌក្រសួងមហាផ្ទៃ កម្លាំងអធិការដ្ឋានស្រុកកណ្តាលស្ទឹងខេត្តកណ្តាល កម្លាំងស្នងការដ្ឋានខេត្តតាកែវធ្វេីការបង្រ្កាបករណីលួចមានស្ថានទម្ងន់ទោសដោយការគាស់ទម្លុះទម្លាយ(គាស់ទូកុងតឺន័រ)យកស្រាបៀរកម្ពុជាចំនួន២០៤១កេសនិងភេសជ្ជៈវេីក២៦កេស។
លោកអធិការរងបានបញ្ជាក់បន្ថែមទៀតថា,ករណីនេះបានកើតឡើងនៅត្រង់ចំណុចផ្លូវបេតុង សង្កាត់គោកឃ្លាង ខណ្ឌសែនសុខ រាជធានីភ្នំពេញ កាលពីថ្ងៃទី១៥ខែកក្កដាឆ្នាំ២០២៣និងធ្វេីសកម្មភាពលេីកទី២លួចមានស្ថានទម្ងន់ទោសដោយគាស់ទម្លុះទម្លាយ(គាស់ទូកុងតឺន័រ)យកគ្រឿងបង្គុំខ្សែភ្លេីងសរុបទឹកប្រាក់ ១០,៦៦៥ដុល្លារអាមេរិក នៅត្រង់ចំណុចផ្លូវបេតុងជិតវត្តឃ្មួញសង្កាត់ឃ្មួញ ខណ្ឌសែនសុខ រាជធានីភ្នំពេញកាលពីថ្ងៃទី២៥ខែសីហាឆ្នាំ២០២៣ ក្នុងនោះកម្លាំងបានឃាត់ខ្លួនជនសង្ស័យចំនួន០៥នាក់(ប្រុស)និងអ្នកទទួលផលចំនួន០២នាក់ជាស្រ្តីបញ្ជូនមកកាន់អធិការដ្ឋាននគរបាលខណ្ឌសែនសុខដេីម្បីសួរនាំ។
ជនសង្ស័យដែលឃាត់ខ្លួនបានមាន៖
១-ឈ្មោះ សុខ ចណ្ណា ហៅ ព្រៃ ភេទប្រុស អាយុ៣៤ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួលក្នុងភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញមានសារធាតុញៀន ។
២-ឈ្មោះ អែម សំអុល ហៅ ណូណូ ភេទប្រុស អាយុ៣៨ឆ្នាំ ជនជាតិខ្មែរ មុខរបរមិនប្រាកដ ស្នាក់នៅបន្ទប់ជួល ផ្លូវបេតុង ភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ(ឃាត់ខ្លួន មានសារធាតុញៀន) ។
៣.ឈ្មោះ ម៉េង ប៊ុនស ហៅ សរ ភេទប្រុស អាយុ៤៥ឆ្នាំ ជនជាតិខ្មែរ មុខរបរមិនប្រាកដ ស្នាក់នៅបន្ទប់ជួល ផ្លូវបេតុង ភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ(ឃាត់ខ្លួន គ្មានសារធាតុញៀន ។
៤-ឈ្មោះនួន ឈុនលាង ភេទប្រុសអាយុ៣៥ឆ្នាំ ស្នាក់នៅភូមិព្រៃឈើទាលលើ ឃុំអង្គតាសោម ស្រុកត្រាំកក់ខេត្តតាកែវ។
៥-ឈ្មោះសែម គន្ធា ហៅ ម៉ាប់ ភេទប្រុសអាយុ៤៥ឆ្នាំ។
៦-ឈ្មោះ ប្រិយស៉ី និង៧-ឈ្មោះណូ ណូ ហៅហុក។
ចំណែកជនរងគ្រោះឈ្មោះ សុង សម្ផស្ស ភេទប្រុស អាយុ៤១ឆ្នាំ ជនជាតិខ្មែរ មុខរបរមេការឡានកុងតឺន័រ ស្នាក់នៅផ្ទះលេខ៥៦៣ ផ្លូវភ្នំពេញហាណូយ ភូមិឡូញ សង្កាត់ឈ្មួញ ខណ្ឌសែនសុខ រាជធានីភ្នំពេញ(ជាជនរងគ្រោះតំណាងក្រុមហ៊ុនដឹកជញ្ចូនត្បូងពេជ្រ ។
សម្ភារបាត់បង់៖ ខ្សែភ្លើងបង្គុំសំរាប់តប្រព័ន្ធភ្លើងរថយន្តមួយចំនួន សរុបទឹកប្រាក់ ១០,៦៦៥ដុល្លារអាមេរិក ។
មុនពេលកើតហេតុកាលពីថ្ងៃទី២៨ ខែសីហា ឆ្នាំ២០២៣ សមត្ថកិច្ចបានធ្វើការស្រាវជ្រាវក្នុងករណីលួចគាស់ទូកុង តឺន័រ លួចយកខ្សែភ្លើងបង្គុំ(សម្រាប់តប្រព័ន្ធភ្លើងរថយន្ត នៅក្នុងសង្កាត់ឈ្មួញ) កាលពីរំលងអធ្រាត្រថ្ងៃទី២៥ ខែសីហា ឆ្នាំ២០២៣ ចុះទៅធ្វើការឃាត់ខ្លួនបានជនសង្ស័យឈ្មោះ ដូន ឈុនខាង ភេទប្រុស អាយុ៣៥ឆ្នាំ ជនជាតិខ្មែរ នៅចំណុចបន្ទប់ជួល ក្នុងសង្កាត់ក្រាំងធ្នង់) និងដកហូតបានវត្ថុតាងខ្សែភ្លើងបង្គុំតប្រព័ន្ធភ្លើងរថយន្តចំនួន១៤៣ជុំ យកមកសាកសួរ។
ជនសង្ស័យឈ្មោះ នួន ឈ្មោះទាំង បានសារភាពពីសកម្មភាពរបស់បក្ខពួកខ្លួន ហើយសមត្ថកិច្ចនឹងបញ្ជូនទៅកាន់សាលាដំបូងរាជធានីភ្នំពេញដេីម្បីផ្តន្ទាទោសទៅតាមផ្លូវច្បាប់៕
ដោយ៖ ចន្ទ លីហ្សា
