សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យ៉ាងហោចណាស់ក៏មាននារីជាកម្មការិនីម្នាក់ស្លាប់និង៣នាក់ទៀតរងរបួសធ្ងន់ដោយសារតែករណីគ្រោះថ្នាក់ចរាចរណ៍២កន្លែងផ្សេងគ្នានៅស្រុកស្វាយទាបនិងស្រុកកំពង់រោទ៍។
យោងតាមសមត្ថកិច្ចនគរបាលបានអោយដឹងថា ករណីទី១បានកើតឡើងកាលពីវេលាម៉ោង ៦និង៣០នាទីល្ងាច ថ្ងៃទី០២ ខែតុលា ឆ្នាំ២០២៣ នៅលេីផ្លូវជាតិលេខ៣១៧ ចន្លោះគីឡូម៉ែត្រលេខ១និងលេខ២ស្ថិតនៅក្នុងភូមិខ្ជាយ ឃុំរមាំងថ្កោល ស្រុកស្វាយទាប ខេត្តស្វាយរៀង មានម៉ូតូម៉ាកហុងដាឌ្រីម C១២៥ ពណ៌ខ្មៅ សេ៊រីឆ្នាំ២០១៧ ពាក់ស្លាកលេខស្វាយរៀង១J-៨៩៣៥ធ្វើដំណើរពីជើងទៅត្បូង បើកបរដោយឈ្មោះ ទឹម វិបុល ភេទប្រុស អាយុ ២៧ឆ្នាំ មុខរបរកម្មកររោងចក្រ គ្មានពាក់មួកសុវត្ថិភាព រស់នៅភូមិស្វាយតឿ សង្កាត់ស្វាយតឿ ក្រុងស្វាយរៀង ខេត្តស្វាយរៀងបានបុកជាមួយម៉ូតូម៉ាកហុងដាឌ្រីម C១២៥ សេ៊រីឆ្នាំ២០២២ ពណ៌ខ្មៅ ពាក់ស្លាកលេខស្វាយរៀង១T-៧៦៤៤បើកបរដោយឈ្មោះ សាន់ ស្រីរត្ន័ ភេទស្រី អាយុ១៩ឆ្នាំ មុខរបរកម្មការិនីរោងចក្រ រស់នៅភូមិស្រម៉ ឃុំស្វាយរំពារ ស្រុកស្វាយទាប ខេត្តស្វាយរៀង ធ្វើដំណើរក្នុងទិសដៅពីត្បូងទៅជើង ពាក់មួកសុវត្ថិភាព បណ្ដាលអោយស្លាប់។
សពត្រូវបានសមត្ថកិច្ចប្រគល់អោយក្រុមគ្រួសារធ្វើបុណ្យតាមប្រពៃណីទាំងក្ដុកក្ដួលបំផុត។
ករណីទី២បានកើតឡើងកាលពីវេលាម៉ោង៤និង១៨នាទីរសៀលថ្ងៃទី០២ខែ តុលាឆ្នាំ២០២៣ នៅលើផ្លូវលេខ៣១៦ស្ថិតនៅចំណុចភូមិព្រៃធ្លក ឃុំស្វាយតាយាន ស្រុកកំពង់រោទ៍ ខេត្តស្វាយរៀង មានរថយន្តម៉ាក KIA carnival ពណ៌ស ពាក់ស្លាកលេខ ភ្នំពេញ២AT-៥៣៧៩ អ្នកបេីកបរអត់ស្គាល់អត្អសញ្ញាណ បុកជាមួយ
ម៉ូតូម៉ាក Hongda dream ពណ៌ខ្មៅ ពាក់ផ្លាកលេខព្រៃវែង១x-៧១៦៧បើក
បរដោយឈ្មោះសារុំ ចាន់ដេត ភេទប្រុសអាយុ២០ឆ្នាំ មុខរបរកម្មកររោងចក្រ មានទីលំនៅភូមិភ្នំស្រូវ ឃុំរាជមន្ទី ស្រុកកំពង់រោទ៍ ខេត្តស្វាយរៀងនិងអ្នករួមដំណើរឈ្មោះ ឆូត រ៉ា ភេទប្រុស អាយុ១៩ឆ្នាំ មុខរបរកម្មកររោងចក្រ មានទីលំនៅភូមិ សំបូរ ឃុំបឹងដោល ស្រុកព្រះស្ដេច ខេត្តព្រៃវែង របួសបាក់ជើងខាងឆ្វេង របួសក្បាល ហើយម៉ូតូខូចខាតធ្ងន់។
សមត្ថកិច្ចបានបញ្ជាក់ពីមូលហេតុគឺដោយសារតែអ្នកបេីកបរម៉ូតូបេីកមិនប្រកាន់ស្ដាំ និងបេីកបរមានជាតិស្រវឹង ០.៤៥m/l។
ចំពោះ វត្ថុតាងទាំងសងខាងត្រូវបានសមត្ថកិច្ចធ្វើការវាស់វែងយកទៅរក្សាទុកនៅប៉ុស្តិ៍នគរបាលរដ្ឋបាលស្វាយតាយាន ដេីម្បីដោះស្រាយតាមច្បាប់៕
ដោយ៖ សុថាន
