សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សូមបេីកបរគោរពច្បាប់ចរាចរណ៍ស្មើនឹងគោរពជីវិតខ្លួនឯង ! ខណៈករណីគ្រោះថ្នាក់ចរាចរណ៍ផ្លូវ គោកទូទាំងប្រទេសនៅថ្ងៃទី៣ ខែតុលា ឆ្នាំ២០២៣ម្សិលមិញនេះ បណ្តាលឱ្យមនុស្ស ស្លាប់០៧នាក់(ស្រី១នាក់) និងរបួសធ្ងន់ស្រាល១១នាក់។
ជាក់ស្ដែងយោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បានបញ្ជាក់ថា ក្នុងករណីគ្រោះថ្នាក់ដែលបង្កឱ្យមានមនុស្សស្លាប់និងរបួសសរុប១៨នាក់ គឺកើតឡើងដោយសារការប៉ះទង្គិចគ្នាចំនួន៥លើក មាន ៖ កត្តាល្បឿន ០២លើក (ស្លាប់២នាក់, មិនគោរពសិទ្ធិ ១លើក, មិនប្រកាន់ស្តាំ២លើក (ស្លាប់១នាក់) ប្រជែងគ្រោះថ្នាក់ ២លើក (ស្លាប់២នាក់) បត់គ្រោះថ្នាក់ ២លើក (ស្លាប់២នាក់) ស្រវឹង១លើក។
ជាមួយគ្នានេះ យោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក នៅថ្ងៃទី០៣ ខែតុលានេះដែរ បានឱ្យដឹងថា ចំនួនគោលដៅសរុប ៦៨គោលដៅ មានយានយន្តចូលគោលដៅចំនួន ១,៦៧៧គ្រឿង រថយន្តធំ ០៣គ្រឿង រថយន្តតូច ១៩៦គ្រឿង និងម៉ូតូ ១៤៧៨គ្រឿង ក្នុងនោះរកឃើញយានយន្តល្មើសសរុបចំនួន ៣៥៨គ្រឿង រថយន្តធំ ០៣គ្រឿង រថយន្តតូច ៣៤គ្រឿង និងម៉ូតូចំនួន ៣២១គ្រឿង ។
គួរជម្រាបជូនថា លទ្ធផលរយៈពេល៣ថ្ងៃ ចាប់ពីថ្ងៃទី១ ដល់ថ្ងៃទី៣ ខែតុលា ឆ្នាំ២០២៣ បានត្រួតពិនិត្យរថយន្ត ៥,៣៥៩គ្រឿង, រថយន្តធំ៨គ្រឿង, រថយន្តតូច ៧៧២គ្រឿង, ម៉ូតូ ១,១០៣គ្រឿង ក្នុងនោះរថយន្តល្មើស ១,២០១គ្រឿង, រថយន្តធំ៨គ្រឿង, រថយន្តតូច៩០គ្រឿង និងម៉ូតូ ១,១០៣គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។
របាយការណ៍ដដែល បានវាយតម្លៃថាការអនុវត្តតាមអនុក្រឹត្យថ្មីក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្ចរាចរណ៍យ៉ាងល្អប្រសើរ ៕
ដោយ៖សហការី
