សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រសួងសាធារណការ និងដឹកជញ្ជូន នៅព្រឹកថ្ងៃទី០៤ ខែតុលា ឆ្នាំ២០២៣នេះ បានឱ្យដឹងថា បងប្អូនប្រជាពលរដ្ឋនាំគ្នាឈ្វេងយល់បន្ថែមពីផ្លាកសញ្ញាចរាចរណ៍ដូចខាងក្រោមនេះ! នាំគ្នាអនុវត្តនិងគោរពច្បាប់ចរាចរណ៍ទាំងអស់គ្នាដើម្បីកាត់បន្ថយការគ្រោះថ្នាក់ដោយចៃដន្យ។
តោះចង់ដឹងអត់ថា គួរធ្វេីយ៉ាងណាដើម្បីកាត់បន្ថយការគ្រោះថ្នាក់ដោយចៃដន្យ មានដូចខាងក្រោម៖
១. ប្រយ័ត្នខាងមុខមានផ្លូវកោងទៅស្ដាំ
២. ប្រយ័ត្នខាងមុខមានផ្លូវបំបែកទៅខាងឆ្វេង
៣. ប្រយ័ត្នខាងមុខអាចមានកុមារឆ្លងកាត់
៤. ប្រយ័ត្នខាងមុខមានផ្លូវកោងបត់បែនច្រើនសារ
៥. ប្រយ័ត្នខាងមុខមានផ្លូវរួមតូចនៅខាងឆ្វេង
៦. ប្រយ័ត្នមានផ្លូវកោងទៅឆ្វេង ហើយកោងទៅស្ដាំនៅខាងមុខ
៧. ប្រយ័ត្នខាងមុខមានរថភ្លើងឆ្លងកាត់ដោយមានរបាំងការពារ
៨. ប្រយ័ត្នខាងមុខចប់ទ្រូងផ្លូវបែកជាពីរ។
ជាមួយគ្នានេះ នៅព្រឹកថ្ងៃដដែលនេះ ក្រសួងសាធារណការ និងដឹកជញ្ជូន បានបង្ហាញពីការបើកបរថយក្រោយ នៅពេលចាប់ផ្តើមចេញដំណើរ៖
– ត្រូវដើរមើលជុំវិញរថយន្តឱ្យបានច្បាស់លាស់សិន មុននឹងចូលក្នុងរថយន្ត
– ផ្ដល់សញ្ញាបត់ឆ្វេង ឬស្តាំ ជាដំណឹងមុនឱ្យបានគ្រប់គ្រាន់
– បើកបរថយក្រោយយឺតៗ ដោយងាកមើលទៅក្រោយ និងក្រឡេកមើលតាមកញ្ចក់មើលក្រោយសងខាង។
ការបើកបរថយក្រោយ នៅពេលកំពុងធ្វើដំណើរ ឬរៀបនឹងឈប់ធ្វើដំណើរ
– យកល្អត្រូវចុះមើលផ្លូវ ដែលអ្នកមានបំណងបើកបរថយក្រោយ ឱ្យបានច្បាស់លាស់សិន
– ផ្ដល់សញ្ញាបត់ឆ្វេង ឬស្តាំជាដំណឹងមុនឱ្យបានគ្រប់គ្រាន់
– បើមានលទ្ធភាពត្រូវបើកបរថយក្រោយ បត់មកខាងផ្នែកអ្នកបើកបរ ព្រោះអ្នកបើកបរអាចមើលឃើញខាងក្រោយរថយន្ត
– បើកបរថយក្រោយយឺតៗ ដោយងាកមើលទៅក្រោយ និងក្រឡេកមើលតាមកញ្ចក់មើលក្រោយសងខាង
– បើមានលទ្ធភាព ត្រូវប្រើអ្នកជំនួយ៕ដោយ៖សរ សម
ដោយ៖ស សម
