សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ ទំនាក់ទំនងគ្នាតាមប្រព័ន្ធតេឡេក្រាម យុវតីម្នាក់ ខ្ចីលុយខាងប្រុស១០ដុល្លារ ហើយខាងប្រុសអោយខាងស្រីមកយកដល់បន្ទប់ជួលរបស់ខ្លួន លុះមកដល់បន្ទប់ហើយ ខាងប្រុសបានរំលោភខាងស្រីបានសម្រេច រួចខាងស្រីប្រាប់ម្ដាយរបស់ខ្លួន ប្តឹងសមត្ថកិច្ចអោយចាប់ឃាត់ខ្លួន។ ករណី រំលោភសេពសន្ថវ: បានកើតឡើងថ្ងៃទី១៦ ខែតុលា ឆ្នាំ២០២៣ ម៉ោង១៧និង០០នាទី នៅក្នុងក្រុមហ៊ុនឧស្សាហកម្មជីនយ៉ុង ភូមិព្រែកស្ទឹង សង្កាត់សំពៅពូន ក្រុងសំពៅពូន ខេត្តកណ្ដាល។
មន្ត្រីនគរបាលក្រុងសំពៅពូនបានឲ្យដឹងថា ជនរងគ្រោះមានអាយុ១៩ឆ្នាំ ជនជាតិខ្មែរ មុខរបរ បុគ្គលិកអនាម័យនៅក្រុមហ៊ុនជីនយ៉ុន មានទីលំនៅភូមិកំពង់ថ្កុល សង្កាត់សំពៅពូន ក្រុងសំពៅពូន ខេត្តកណ្តាល។
ជនសង្ស័យឈ្មោះ ជុន វណ្ណៈ ភេទប្រុស អាយុ២៣ឆ្នាំ ជនជាតិខ្មែរ មុខរបរសន្ដិសុខ ស្នាក់នៅក្នុងក្រុមហ៊ុនជីនយ៉ុន នៅភូមិព្រែកស្ទឹង សង្កាត់សំពៅពូន ក្រុងសំពៅពូន ខេត្តកណ្ដាល។ វត្ថុតាងមាន ៖ ១.ខោខ្លីពណ៌ខ្មៅ ០១ ،២.កម្រាលពូកពណ៌ផ្ទៃមេឃ០១ ،៣.ប្រេងក្រឡាតាប៉ិ០១ ،៤.ទូរស័ព្ទRedmiពណ៌ខ្មៅ០១ និងទូរស័ព្ទSamsungពណ៌ស០១ របស់ជនសង្ស័យ ។
ប្រភពដដែលបន្តថាថ្ងៃទី១៦ ខែតុលា ឆ្នាំ២០២៣ ជនសង្ស័យក៏បានឆាតលេងតាមតេឡេក្រាមជាមួយនារីរងគ្រោះចំណែកនារីរងគ្រោះក៏បានឆាតខ្ចីលុយជនសង្ស័យចំនួន១០ដុល្លារ ក៏បានឲ្យនារីខាងលើឡើងមកយកលុយនៅបន្ទប់របស់ខ្លួននៅជាន់ទី៤ លេខបន្ទប់៤០២៦ ពេលនារីរងគ្រោះមកដល់ជនសង្ស័យក៏បានប្រើនាងឲ្យជួយកោសខ្យល់ រួចហើយ ក៏ធ្វើសកម្មភាពចាប់រំលោភរហូតបានសម្រេច ជនរងគ្រោះក៏បានស្លៀកពាក់ចុះមកខាងក្រោមដើម្បីធ្វើការវិញ។ពេលចេញពីធ្វេីការទៅដល់ផ្ទះជនរងគ្រោះក៏បានប្រាប់ឪពុកម្ដាយនាង រួចនាងក៏បានដាក់ពាក្យប្ដឹងសមត្ថកិច្ចប៉ុស្តិ៍រដ្ឋបាលសង្កាត់សំពៅពូន បន្ទាប់មកក៏បានឃាត់ខ្លួនជនសង្ស័យ មកកាន់អធិការដ្ឋាននគរបាលក្រុងសំពៅពូនដើម្បីបន្តនីតិវិធី៕
ដោយ៖ ស្អាងជ័យ
