សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានខលសួរសុខទុក្ខឪពុកមិនដែលលេីកធ្វើឱ្យមានការសង្ស័យក៏មកមេីលដល់ផ្ទះស្រាប់តែឃេីញឪពុកដេកស្លាប់ក្នុងបន្ទប់ទឹកដោយមានសភាពស្អុយមិនដឹងស្លាប់តាំងពីពេលណា បង្កការភ្ញាក់ផ្អេីលកាលពីវេលាម៉ោង១០ព្រឹក ថ្ងៃទី១៩ ខែតុលា ឆ្នាំ២០២៣ នៅបុរីសឡា ភូមិចោមចៅទី៣ សង្កាត់ចោមចៅទី២ ខណ្ឌពោធិ៍សែនជ័យ។
ជនរងគ្រោះឈ្មោះ ហួរ រ៉ុង ភេទប្រុសអាយុ៦៣ឆ្នាំ ស្នាក់នៅបុរីសឡា ភូមិចោមចៅទី៣ សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានពីកូនប្រុសជនរងគ្រោះបានឱ្យដឹងថា ឪពុករបស់គាត់ស្នាក់នៅផ្ទះតែម្នាក់ឯងទេ ដោយម្តាយនិងបងប្អូនបានទៅរស់នៅឯខេត្តសៀមរាប ទោះហៅគាត់ទៅរស់នៅជាមួយក៏គាត់មិនព្រមទៅដែរ សុខចិត្តរស់នៅតែម្នាក់ឯង។ នៅថ្ងៃកេីតហេតុរូបគាត់បានព្យាយាមតេទូរស័ព្ទមករកឪពុករបស់គាត់ជាច្រេីនលេីកច្រេីនសា តែតេចូលគ្មានអ្នកលេីក។ ដោយសារមានការសង្ស័យទេីប
គាត់មកមេីលដល់ផ្ទះ។ លុះមកដល់មុខផ្ទះហៅក៏មិនមានអ្នកឆ្លេីយដោយចាក់សោទ្វារខាងក្នុង តែទ្វារជាន់ទី១បេីកចំហ។
ប្រភពដដែលបានបន្តថា ពេលនោះរូបគាត់បានសុំផ្ទះអ្នកជិតខាងឡេីងទៅខាងលេីដេីម្បីចូលតាមទ្វារលេីមេីលក្នុងផ្ទះពេលចូលទៅដល់ឃេីញឪពុកគាត់ដេកស្លាប់ក្នុងបន្ទប់ទឹកដោយមានសភាពស្អុយបាត់ទៅហេីយ ទេីបរាយការណ៍ទៅសមត្ថកិច្ចចុះពិនិត្យជាក់ស្តែង។
សមត្ថកិច្ចកំពុងចុះទៅដល់កន្លែងកេីតហេតុពិនិត្យជាក់ស្តែង៕
ដោយ៖សុខាសែនជ័យ
