សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅព្រឹកថ្ងៃទី២៥ ខែតុលា ឆ្នាំ២០២៣ រដ្ឋបាលរាជធានីភ្នំពេញ បានបញ្ជាក់អោយដឹងថា , ប្រសិនបើបងប្អូនប្រជាពលរដ្ឋនៅរាជធានីភ្នំពេញត្រូវការសេវាសង្គ្រោះបន្ទាន់ ឬជួបប្រទះករណីគ្រោះថ្នាក់ចរាចរណ៍ សូមមេត្តាទូរស័ព្ទទៅលេខ 119 ដើម្បីជួយសង្គ្រោះ និងដឹកបញ្ជូនទៅមន្ទីរពេទ្យ។
រដ្ឋបាលរាជធានីភ្នំពេញ ករណីប្រព័ន្ធ 119 ឆ្លើយតបមិនទាន់ សូមទំនាក់ទំនងលេខទូរស័ព្ទមន្ទីរពេទ្យបង្អែកតាមខណ្ឌទទួលខុសត្រូវ ដូចមាននៅក្នុងតារាងជូនភ្ជាប់។
កន្លងទៅ រដ្ឋមន្ត្រីសុខាភិបាល (សម័យលោកសាស្ត្រាចារ្យបណ្ឌិត ម៉ម ប៊ុនហេង ) បានលើកឡើងក្នុងលិខិតថា «ក្រសួង ធ្លាប់បានធ្វើការណែនាំ ករណីរថយន្តសង្គ្រោះបន្ទាន់ដឹកអ្នករងគ្រោះដោយគ្រោះថ្នាក់ចរាចរណ៍ ដោយមិនតម្រូវឱ្យបង់ថ្លៃសេវា និងរួមទាំងរថយន្តដឹកសព ( ស្លាប់ក្នុងមន្ទីរពេទ្យ ឬដោយគ្រោះថ្នាក់ចរាចរណ៍ ) ដឹកពីមន្ទីរពេទ្យ ឬកន្លែងគ្រោះថ្នាក់ចរាចរណ៍ ទៅកាន់លំនៅដ្ឋានសព។ កន្ល្ងងមក មន្ទីរសុខាភិបាលនៃរដ្ឋបាលរាជធានី-ខេត្តទាំងអស់ ក៏បានធ្វើការណែនាំដល់មន្ទីរពេទ្យ មណ្ឌលសុខភាព ដើម្បីសហការគ្នា ពង្រឹង សេវារថយន្តសង្គ្រោះបន្ទាន់ ជាពិសេសសម្រាប់អ្នករងគ្រោះថ្នាក់ចរាចរណ៍ បាក់បែកឆ្អឹង ហូរឈាម ឬសន្លប់ត្រូវការសង្គ្រោះអាយុជីវិត ដើម្បីចូលរួមចំណែកកាត់បន្ថយអត្រាស្លាប់ដោយគ្រោះថ្នាក់ចរាចរណ៍» ៕
ដោយ ៖ សហការី
