សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នាព្រឹកថ្ងៃទី០៧ ខែវិច្ឆិកា ឆ្នាំ២០២៣នេះ និងជាថ្ងៃទី២ នៃដំណើរការសំណេរប្រឡងសញ្ញាបត្រមធ្យមសិក្សាទុតិយភូមិរបស់សិស្សានុសិស្សនៅវិទ្យាល័យ បឹងត្របែក និងវិទ្យាល័យ ហ៊ុនសែន ប៊ុនរ៉ានី ផ្សារដេីមថ្កូវ ត្រូវបានកម្លាំងគណៈបញ្ចាការឯកភាព និងមន្ត្រីចរាចរណ៍ខណ្ឌចំការមន បានចុះរៀបចំសណ្ដាប់ធ្នាប់ និងជួយសម្រួលចរាចរណ៍បានទៅដោយរលូនពុំមានបញ្ហាអ្វីកេីតឡេីងនោះទេ ។
ជាមួយគ្នានោះគេសង្កេតឃេីញថា បេក្ខជនដែលចូលទៅក្នុងមណ្ឌលប្រឡង ក៏មានការឆែករកសំណៅឯកសារ សម្ភារៈហាមឃាត់ និងពិនិត្យផ្ទៀងផ្ទាត់យ៉ាងយកចិត្តទុកដាក់ពីសំណាក់អនុរក្ស ក្រោមការត្រួតពិនិត្យដោយមន្ត្រីអង្គភាពប្រឆាំងអំពើពុករលួយ ។ ហេីយចំពោះដំណើរការសំណេរនាព្រឹកនេះមានពីរមុខវិជ្ជាគឺ៖ សម្រាប់ថ្នាក់វិទ្យាសាស្ត្រ ( អក្សរសាស្ត្រខ្មែរ និង រូបវិទ្យា) សម្រាប់ថ្នាក់វិទ្យាសាស្ត្រសង្គម (គណិតវិទ្យា និង សីលធម៌-ពលរដ្ឋវិជ្ជា) ។
ដោយឡែកក្រឡេកមេីលមាតាបិតា និងអាណាព្យាបាលសិស្សានុសិស្សវិញក៏បានអង្គុយរង់ចាំកូនៗនៅក្រៅរបងសាលាជាច្រេីនយ៉ាងអន្ទះសា ក្រោយពីជូនកូនៗចូលប្រឡងរួចមិនត្រឡប់ទៅផ្ទះវិញ ។
គួររំលឹក ក្រសួងអប់រំ យុវជន និងកីឡា គ្រោងនឹងប្រកាសលទ្ធផលប្រឡងនៅថ្ងៃទី២៨ ខែវិច្ឆិកា ឆ្នាំ២០២៣ សម្រាប់រាជធានីភ្នំពេញ និងខេត្តកណ្ដាល និងថ្ងៃទី២៩ ខែវិច្ឆិកា ឆ្នាំ២០២៣ សម្រាប់ខេត្តផ្សេងទៀត ព្រមទាំងមានផ្សាយនៅលើទំព័រហ្វេសប៊ុកផ្លូវការក្រសួងអប់រំ យុវជន និងកីឡា៕
ដោយ ៖ ភារ៉ា ដង្កោ
