សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ តាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក បានឱ្យដឹងថា កម្លាំងសមត្ថកិច្ចទូទាំងប្រទេសកម្ពុជា ធ្វេីការផាកពិន័យយានយន្តល្មើសចំនួន ៦២១គ្រឿងទៀត តាមអនុក្រឹត្យលេខ៣៩ កាលពីថ្ងៃទី១២ ខែវិច្ឆិកា ឆ្នាំ២០២៣ម្សិលមិញនេះ។
នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈបានគូសបញ្ជាក់ថា ក្នុងប្រតិបត្តិការនោះ មានចំនួនគោលដៅសរុប ៧០គោលដៅ ដោយយានយន្តចូលគោលដៅចំនួន ៧០០គ្រឿង, រថយន្តធំ ០១គ្រឿង, រថយន្តតូច ១០៥គ្រឿង និងម៉ូតូ ៥៩៤គ្រឿង ក្នុងនោះរកឃើញយានយន្តល្មើសសរុបចំនួន ៦២១គ្រឿង រថយន្តធំ ០១គ្រឿង រថយន្តតូច ៤៧គ្រឿង និងម៉ូតូចំនួន ៥៧៣គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។
តាមរបាយការណ៍លទ្ធផលរយៈពេល ១២ថ្ងៃ ពីថ្ងៃទី១-១២ ខែវិច្ឆិកា ឆ្នាំ២០២៣ បានឲ្យដឹងថា យានយន្តចូលគោលដៅចំនួន ៦,៣៣១គ្រឿង រថយន្តធំ ១៤០គ្រឿង រថយន្តតូច ១,២១៧គ្រឿង ម៉ូតូ ៤,៩៧៥គ្រឿង ។ ក្នុងនោះរកឃើញយានយន្តល្មើសសរុបចំនួន ៤,៧៦១គ្រឿង, រថយន្តធំ ៣៣គ្រឿង, រថយន្តតូច ៦៣០គ្រឿង និងម៉ូតូ ៤,០៩៨គ្រឿង (៤,០៩៨ករណី) ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស ។
របាយការណ៍ដដែល បានវាយតម្លៃថា ការអនុវត្តតាមអនុក្រឹត្យថ្មី ក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្ចរាចរណ៍យ៉ាងល្អប្រសើរ ៕
ដោយ៖ សហការី
