សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ នៅវេលាម៉ោង១១ ថ្ងៃទី១៤ខែវិច្ឆិកា ឆ្នាំ២០២៣នៅចំណុច ភូមិអណ្តូងត្រាច ឃុំកំពង់ព្រះ ស្រុក សង្កែ ខេត្តបាត់ដំបង អនុវត្តតាមយោបល់ដឹកនាំលោកឧត្តម សេនីយ៍ទោ សាត គឹមសាន ស្នងការនៃស្នងការដ្ឋាន នគរបាលខេត្តបាត់ដំបងនិងលោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ,លោកវរសេនីយ៍ទោ យុត តុងហូ អធិការនគរបាលស្រុកសង្កែ បានដឹកនាំកម្លាំងជំនាញនៃអធិការ ដ្ឋាននគរបាលស្រុករួមជាមួយកម្លាំងប៉ុស្តិ៍នគរបាលរដ្ឋបាលកំពង់ព្រះ ស៊េីបអង្កេតបង្ក្រាបឃាត់ខ្លួនជនសង័្សយលួចនិងទទួលផលចោរកម្មចំនួន០៣នាក់គឺ៖
១-ឈ្មោះ ឈួម សុភី ភេទប្រុស អាយុ៣៤ឆ្នាំ មានទី លំនៅភូមិអណ្តូងត្រាច ឃុំកំពង់ព្រះ ស្រុកសង្កែ ខេត្ត បាត់ដំបង (អ្នកលួច),២-ឈ្មោះ ជឿន សុខរិទ្ធ ភេទប្រុស អាយុ១៨ឆ្នាំ មានទីលំនៅភូមិអណ្តូងត្រាច ឃុំកំពង់ព្រះ ស្រុកសង្កែ ខេត្តបាត់ដំបង(អ្នកលួច) និង ៣-ឈ្មោះ អ៊ួប សារឿប ភេទប្រុស អាយុ៣៩ឆ្នាំ មានទីលំនៅភូមិបញ្ញា ឃុំកំពង់ព្រះ ស្រុកសង្កែ ខេត្ត បាត់ដំបង (ទទួលផល) ។
ចំពោះមូលហេតុដែលឈានដល់ការឃាត់ខ្លួននេះ គឺកាលពីថ្ងៃទី១១ ខែវិច្ឆិកា ឆ្នាំ២០២៣ នៅវេលាម៉ោងប្រមាណ២២និង៣០នាទីនៅចំណុចក្រុមទី០៥ ភូមិក្រឡាញ់ ឃុំកំពង់ព្រះ ស្រុកសង្កែ ខេត្តបាត់ដំបង មានករណីអំពេីលួច មានស្ថានទម្ងន់ទោស (ហែកជញ្ជាំងស័ង្កសីចូលលួចយកទ្រព្យសម្បត្តិ) និងការទទួលផលចោរកម្ម១ករណីកើតឡើង បង្កដោយជនមិនស្គាល់អត្តសញ្ញាណនិងចំនួនបានធ្វេីសកម្មភាពហែកជញ្ជាំងស័ង្កសីលួចយកទ្រព្យសម្បត្តិរបស់ជនរងគ្រោះឈ្មោះ អ៊ាន ប៊ុន ភេទប្រុសអាយុ ៤២ឆ្នាំមានទីលំនៅចំណុចកេីតហេតុខាងលេីធ្វើឲ្យបាត់បង់សម្ភារះរួមមាន៖
-ធុងបាស ពណ៌ខ្មៅ ចំនួន០១
-អាំភ្លី ពណ៌ខ្មៅ ចំនួន០១គ្រឿង
-ចង្ក្រានហ្គាស ពណ៌ក្រហម ចំនួន០១
-ទូរស័ព្ទដៃស៊េរីចាស់ ពណ៌ស ចំនួន០១គ្រឿង។
ក្រោយពីទទួលបណ្តឹងរួចសមត្ថកិច្ចបានស្រាវជ្រាវរហូតកំណត់មុខសញ្ញាបាននិងឃាត់ខ្លួន ហើយពេលជន សង្ស័យទាំងពីរនាក់ ឆ្លេីយសារភាពថា ពួកខ្លួនបានចូលលួចយកទ្រព្យសម្បត្តិ របស់ជនរងគ្រោះខាងលេីពិត ប្រាកដមែន និងបានយកអាំភ្លី ពណ៌ខ្មៅចំនួន០១ និងធុងបាស ពណ៌ខ្មៅ ចំនួន០១ យកទៅលក់ឱ្យឈ្មោះ អ៊ួប សារឿប ភេទប្រុស អាយុ៣៩ឆ្នាំ មានទីលំនៅភូមិបញ្ញាឃុំកំពង់ព្រះ ស្រុកសង្កែ ខេត្តបាត់ដំបង។ នៅពេលសាកសួរបានដកហូតសម្ភារះប្រគល់ជូនម្ចាស់វិញ។
ករណីនេះនគរបាលស្រុកកំពុងកសាងសំណុំរឿងបញ្ជូនជនសង្ស័យអនុវត្តតាមនីតិវិធីច្បាប់៕
ដោយ៖ សូរិយា
