សារព័ត៌មាន នគរវត្ត តែងតែនាំមុខគេជានិច្ច
ក្លិប Fulham កំពុងកំណត់គោលដៅផ្លាស់ប្តូរខែមករាសម្រាប់ខ្សែបម្រើ Andre របស់ក្លិប Fluminense ជាមួយនឹងខ្សែប្រយុទ្ធ Jonas Wind របស់ក្លិប Wolfsburg ក្នុងចំណោមជម្រើសខ្សែប្រយុទ្ធដ៏មានសក្តានុពល។
គ្រូបង្វឹកលោក Marco Silva ត្រូវបានគេរំពឹងថា នឹងទទួលបានការគាំទ្រយ៉ាងខ្លាំងនៅក្នុងទីផ្សារផ្ទេរកីឡាករបន្ទាប់ពីបានចុះកិច្ចសន្យាថ្មីរហូតដល់ឆ្នាំ២០២៦។
ក្រុម Fulham បានឈានមុខក្រុម Liverpool និង Manchester United ក្នុងការប្រជែងគ្នាដើម្បីចុះហត្ថលេខាលើកីឡាករ Andre បន្ទាប់ពីនាយកប្រតិបត្តិរបស់ពួកគេលោក Alistair Mackintosh បានធ្វើដំណើរទៅកាន់ប្រទេសប្រេស៊ីលសម្រាប់ការពិភាក្សាទល់មុខគ្នាកាលពីសប្តាហ៍មុន។
លោក Mackintosh កំពុងតាមដាមមើលកីឡាករអន្តរជាតិប្រេស៊ីលអាយុ២២ឆ្នាំរបស់ក្លិប Fluminense ក្នុងការទទួលជ័យជម្នះលើក្រុម BocaJuniors ក្នុងវគ្គផ្តាច់ព្រ័ត្រនៃពានរង្វាន់ Copa Libertadores។ ការពិភាក្សាលើការផ្លាស់ប្តូរដ៏មានសក្តានុពល៣០លានផោននៅតែបន្តនៅពេលដែល Andre ស្វែងរកការផ្លាស់ប្តូរនៅ Premier League បន្ទាប់ពីរដូវកាលប្រេស៊ីលបញ្ចប់នៅដើមខែធ្នូ។
ការចុះហត្ថលេខារបស់គាត់នឹងក្លាយជារដ្ឋប្រហារដ៏ធំមួយសម្រាប់ក្រុម Fulham ដោយ Liverpool ចេញពីការប្រណាំង ហើយសម្លឹងមើលគោលដៅសម្រាប់កីឡាកររូបនេះ។ ក្លិប Manchester United ក៏កំពុងតាមដាមកីឡាករខាងលើដើម្បីនាំយកក្នុងខែមករាខាងមុខនេះផងដែរ។
Andre បានស៊ុតបញ្ចូលទីបាន៩គ្រាប់ក្នុង១៣ប្រកួតសម្រាប់ Wolfsburg ក្នុងរដូវកាលនេះ ក៏ដូចជាការរួមចំណែក៣គ្រាប់ និង assist ៣លើកក្នុងការបង្ហាញខ្លួន៨លើកចុងក្រោយរបស់គាត់សម្រាប់ប្រទេសដាណឺម៉ាក។ ក្លិបជាច្រើននៅទូទាំងទ្វីបអឺរ៉ុបក៏បានតាមដានកីឡាករវ័យ២៤ឆ្នាំផងដែរ ដែលត្រូវបានគេយល់ថា មានអ្នកកោតសរសើរនៅ Premier League ផ្សេងទៀតក្រៅពី Fulham។
Fulham កំពុងតែថ្លឹងថ្លែងថា តើត្រូវចូលទីផ្សារទិញខ្សែប្រយុទ្ធនៅខែមករាឬយ៉ាងណា? កីឡាករ Carlos Vinicius, Raul Jimenez និង Rodrigo Muniz កំពុងតែទទួលការចាប់អារម្មណ៍ផងដែរ ប៉ុន្តែពួកគេព្យាយាមជំនួសគ្រាប់បាល់របស់ Aleksandar Mitrovic។ កីឡាករសញ្ជាតិស៊ែប៊ីបានចាកចេញទៅកាន់ក្រុមអារ៉ាប៊ីសាអ៊ូឌីត Al-Hilal នៅរដូវក្តៅនេះ ដោយបានស៊ុតបញ្ចូលទី១៤គ្រាប់នៅ Premier League កាលពីរដូវកាលមុន ៕
ដោយ៖ ភារៈ(រូបភាព ៖ standard.com)
