សារព័ត៌មាន នគរវត្ត តែងតែនាំមុខគេជានិច្ច
កីឡាករ Francesco Camarda បានក្លាយកីឡាករក្មេងជាងគេបំផុតក្នុងការបង្ហាញខ្លួននៅលើទីលាននៃប្រវត្តិសាស្ត្រលីកកំពូលអ៊ីតាលី Serie A ក្នុងក្រុម AC Milan។
កីឡាករ Francesco Camarda ដែលបានក្លាយជាកីឡាករក្មេងជាងគេក្នុងប្រវត្តិសាស្ត្រ Serie A ក្នុងការបង្ហាញខ្លួនកាលពីថ្ងៃសៅរ៍គឺមានអាយុ១៥ឆ្នាំ និង២៦០ថ្ងៃ។ ខ្សែប្រយុទ្ធរូបនេះបានចូលមកជំនួសឲ្យក្រុម AC Milan ក្នុងការទទួលជ័យជម្នះលើក្រុម Fiorentina ក្នុងការប្រកួតកាលពីរំលងអធ្រាត្រឈានចូលថ្ងៃទី២៦ វិច្ឆិកា។
កីឡាករវ័យក្មេងបំផុតពីមុនគឺ Wisdom Amey របស់ Bologna ដែលមានអាយុ ១៥ឆ្នាំ និង២៧៤ថ្ងៃនៅពេលដែលគាត់បានបង្ហាញខ្លួនជាលើកដំបូងរបស់គាត់ក្នុងឆ្នាំ២០២១។
Ethan Nwaneri កាន់កំណត់ត្រា Premier League ដែលគាត់មានអាយុ១៥ឆ្នាំ១៨១ថ្ងៃនៅពេលគាត់លេងឲ្យ Arsenal ទល់នឹង Brentford កាលពីខែកញ្ញា ឆ្នាំ២០២២។
កីឡាករ Camarda ត្រូវបានកោះហៅឱ្យចូលក្រុមដំបូងដោយជំនួសខ្សែប្រយុទ្ធ Olivier Giroud ត្រូវបានព្យួរ ហើយ Noah Okafor បានរងរបួស។ គាត់ទើបតែបង្ហាញខ្លួនលើកដំបូងនៅ UEFA Youth League ក្នុងខែកញ្ញា ដោយស៊ុតបញ្ចូលទីបាន២គ្រាប់ទល់នឹង Newcastle United។
ខ្សែប្រយុទ្ធវ័យក្មេង Camarda គឺជាកីឡាករម្នាក់ក្នុងចំណោមកីឡាករតែ៨នាក់ប៉ុណ្ណោះដែលបានបង្ហាញខ្លួនជាលើកដំបូងក្នុងក្របខ័ណ្ឌកំពូលរបស់អ៊ីតាលីមុនថ្ងៃខួបកំណើតអាយុ១៦ឆ្នាំរបស់ពួកគេ ៕
ដោយ៖ ភារៈ(រូបភាព ៖ BBC Sport)
