សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ បុរសម្នាក់បានរងរបួសធ្ងន់ដោយសារគ្រោះថ្នាក់ចរាចរណ៍នៅវេលាម៉ោង៨និង១៥នាទីយប់ថ្ងៃទី១៧ ខែធ្នូ ឆ្នាំ២០២៣ នៅត្រង់ចំណុចខាងកើតសាលារៀនសូរិយាថ្មីចម្ងាយប្រហែល១៥០០ម៉ែត្រ ចន្លោះបង្គោលគីឡូម៉ែត្តលេខ ៣៧៥-៣៧៦ ផ្លូវជាតិលេខ៥ ក្រៅទីប្រជុំជន ស្ថិតនៅ ភូមិសូរិយាថ្មី ឃុំកូប ស្រុកអូរជ្រៅ ។
នគរបាលស្រុកអូរជ្រៅបានឱ្យដឹងថា៖ជនរងគ្រោះឈ្មោះ វ៉ាង ព្រឿន ភេទប្រុស អាយុ៥២ឆ្នាំ មានទីលំនៅសព្វថ្ងៃ ភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង រងរបួសធ្ងន់រយះថ្ងាសខាងស្តាំ ។
នគរបាលបានបញ្ជាក់ថា៖ មុនដំបូងមានម៉ូតូមួយគ្រឿងម៉ាកស៊ុយហ្ស៊ុយគីវីវ៉ា ពណ៌ក្រហម C-110 ពាក់ស្លាកលេខ បាត់ដំបង 1J-5279 បើកបរដោយជនរងគ្រោះឈ្មោះ វ៉ាង ព្រឿន ភេទប្រុស អាយុ៥២ឆ្នាំ( ពាក់មួកសុវត្ថិភាព)បានធ្វើដំណើរពីទិសខាងកើតទៅទិសខាងលិច ពេលមកដល់ចំណុចកើតហេតុស្រាប់តែមានរថយន្តធំមួយគ្រឿងបើកបរមកពីទិសខាងកើតទៅទិសខាងលិច(ស្របទិសគ្នា) បានមកកៀរប៉ះនឹងម៉ូតូបណ្តាលអោយមានគ្រោះថ្នាក់រួចបើករត់គេចបាត់ស្រមោលទៅ។ ចំពោះមូលហេតុ: រថយន្តធំមិនស្គាល់អត្តសញ្ញាណ បើកបរក្នុងល្បឿនលឿន ។ជនរងគ្រោះត្រូវបានបញ្ជូនទៅសង្រ្គោះនៅមន្ទីរពេទ្យ ចំណែកម៉ូតូយកមករក្សាទុកនៅអធិការដ្ឋាននគរបាលស្រុកអូរជ្រៅ ៕
ដោយ៖ វណ្ណា
