សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត៖ កម្លាំងជំនាញប្រឆាំងបទល្មើសគ្រឿងញៀនខេត្តកំពត នៅព្រឹកថ្ងៃទី២០ ខែមករា ឆ្នាំ២០២៤នេះ បានបង្ហាញមុនក្រុមមុខសញ្ញាចែកចាយ និងប្រើប្រាស់គ្រឿងញៀនចំនួន ០៣នាក់ ជាសាធារណៈមុននិងបញ្ជូនខ្លួនទៅសាលាដំបូងខេត្ត ដើម្បីចាត់ការតាមច្បាប់ ក្រោយឃាត់ខ្លួនយកមកសាកសួររហូតបញ្ចប់នីតិវិធី។
ប្រភពដដែលបន្តថា ដោយមានការយកចិត្តទុកដាក់ណែនាំនិងបញ្ជាយ៉ាងម៉ឺងម៉ាត់ ពីលោកឧត្ដមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្ត ក្នុងការបង្ក្រាបនូវរាល់បទល្មើស កាលពីថ្ងៃទី១៨ ខែមករា ឆ្នាំ២០២៤ កម្លាំងជំនាញប្រឆាំងបទល្មើសគ្រឿងញៀន នៃអធិការដ្ឋាននគរបាលស្រុកឈូក សហការជាមួយប៉ុស្តិ៍នគរបាលរដ្ឋបាលឃុំ ក្រាំងស្នាយ ឃុំសត្វពង និងឃុំបានៀវ បានបង្ក្រាបបទល្មើសចែកចាយនិងប្រើប្រាស់គ្រឿងញៀនស្ថិតនៅឃុំសត្វពង ស្រុកឈូក ខេត្តកំពត ឃាត់ខ្លួនជនសង្ស័យចំនួន ០៣ នាក់ ។
ជនសង្ស័យចំនួន ០៣ នាក់ ៖
១/ឈ្មោះ ស៊ីវ ចន្ថា ភេទប្រុស អាយុ ២៤ឆ្នាំ រស់នៅភូមិព្រៃបែន ឃុំសត្វពង ស្រុកឈូក ខេត្តកំពត ។
២/ ឈ្មោះ ផន ម៉ៅ ភេទប្រុស អាយុ ២៤ ឆ្នាំ រស់នៅភូមិតាឡង់ ឃុំបានៀវ ស្រុកឈូក ខេត្តកំពត។
៣/ ឈ្មោះ ឆែម ភក្តី ភេទប្រុស អាយុ ៤០ ឆ្នាំ រស់នៅភូមិដំណាក់ទ្រព្យ ឃុំក្រាំងស្នាយ ស្រុកឈូក ខេត្តកំពត។
ដកហូតវត្ថុតាង ៖ ម្សៅក្រាមព៍ណសចំនួន ១១ កញ្ចប់ ទម្ងន់ ២.៦០និងទូរស័ព្ទ ៣ គ្រឿង និងម៉ូតូ ១ គ្រឿង។
បច្ចុប្បន្នជនសង្ស័យនិងវត្ថុតាង កម្លាំងជំនាញកំពុងត្រៀមខ្លួនបញ្ជូនទៅកាន់សាលាដំបូងខេត្ត ដើម្បីចាត់ការតាមនីតិវិធីច្បាប់៕
ដោយ៖ អ្នកកំពត
