សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមសេចក្តីបំភ្លឺ របស់អ្នកនាំពាក្យរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី២ ខែកុម្ភៈ ឆ្នាំ២០២៤នេះ បានឱ្យដឹងថា ថ្មីៗនេះ គណបក្សកម្លាំងជាតិ បានចេញសេចក្តីថ្លែងការណ៍លេខ ០២២/២៤ គកជ ចុះនៅថ្ងៃទី២ ខែកុម្ភៈ ឆ្នាំ២០២៤ ពាក់ព័ន្ធទៅនឹងការផ្ទុះឡើងនូវការតវ៉ារបស់ពលរដ្ឋរស់នៅតំបន់រុនតាឯកពាក់ព័ន្ធថវិកាប័ណ្ណក្រីក្រដែល ផ្តល់ជូនដោយរាជរដ្ឋាភិបាលតាមរយៈក្រសួងសង្គមកិច្ច អតីតយុទ្ធជន និងយុវនីតិសម្បទា។
ក្រសួង បានបញ្ជាក់ថា ចំពោះបញ្ហាខាងលើនេះរាជរដ្ឋា ភិបាលបាននិងកំពុងចាត់វិធានការណ៍ដោះស្រាយជូនបងប្អូនទៅតាមគោលការណ៍និងនីតិវិធីហើយ គឺធ្វើយ៉ាងណាមិនអោយ បាត់បង់ផលប្រយោជន៍របស់បងប្អូននៅតំបន់រុនតាឯកនោះទេ។ សូមបងប្អូនរក្សាស្ថានភាពស្ងប់ស្ងាត់ នឹងនរ ហើយជឿទុកចិត្ត លើការដឹកនាំរបស់រាជរដ្ឋាភិបាលកម្ពុជាយើង។
ការលើកឡើងនៅក្នុងសេចក្តីថ្លែងការណ៍របស់គណៈបក្សកម្លាំងជាតិ វាគ្រាន់តែជាការកេងចំណេញខាងនយោបាយតែ ប៉ុណ្ណោះទេ ធាតុពិតគណៈបក្សកម្លាំងជាតិ មិនមានសមត្ថភាពនិងលទ្ធភាព ដោះស្រាយបញ្ហាទាំងអស់នេះជូនបងប្អូនឡើយ។ រាជរដ្ឋាភិបាលកម្ពុជាមិនទុកអោយបងប្អូនដែលមានការលំបាកចោលដោយមិនបានដោះស្រាយនោះឡើយ៕
ដោយ៖តារា
