សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោក សុខ ឥសាន បានបរិយាយ ពីនេះពីនោះពាក់ព័ន្ធកម្ពុជា នៅរសៀលថ្ងៃទី១៤ ខែកុម្ភៈ ឆ្នាំ២០២៤ ដោយលើកយកចំណុចសំខាន់ៗ ចំនួន ១០ ដូចខាងក្រោម ៖
១- ថាគ្មាននរណាអាចបំបែកបក្សសាងគ្រោះជាតិបានទេ = តែសាងគ្រោះជាតិខ្ទេចដូចអាចម៌ទីទុយឯងៗ?
២- ជនម្នាក់ដែលប្រឌិតរឿងផ្សាយតាមហ្វេសប៊ុកថាមានបញ្ហាគួរឲ្យខ្លាចនៅកម្ពុជា = ជាការផលិតរឿងមួលបង្កាច់សភាពការណ៍ពិតនៅកម្ពុជាបែបជាកើតចេញពីរោគចិត្ត?
៣- សង្ឃខ្មែរម្នាក់ដែលប៉ូលីសថៃចាប់ខ្លួន = មិនមែនជាសង្ឃទេ តែជាមនុស្សខូចបន្លំខ្លួនជាសង្ឃដើម្បីស្វែងរកផលប្រយោជន៍ផ្ទាល់ខ្លួនដោយយកព្រះពុទ្ធសាសនាជាខែល?
៤- គណបក្សប្រជាជនកម្ពុជាអ្នកទទួលនូវការវាយប្រហារពៅស៊ឹង សែនករុណា = អត់មានរឿងអីទៅចរចាជាមួយនរណាទេ មានតែជូនតុលាការជួយរកយុត្តិធម៌ឲ្យ?
៥- ពាក្យបណ្តឹងបានទៅដល់ដៃតុលាការួចហើយ = អត់មានមូលដ្ឋានអីដកពាក្យបណ្តឹងទេ?
៦- ការកែពាក្យរបស់កាសែតឌើខាំបូឌីយ៉ាដេលី = គឺពាក់ព័ន្ធផ្ទាល់ជាមួយលោក ស៊ឹង សែនករុណា មិនពាក់ព័ន្ធនឹងគណបក្សប្រជាជនកម្ពុជាទេ?
៧- សម្តេចតេជោ ហ៊ុន សែន បានជម្រាបជាសាធារណៈរួចហើយ ថាគណបក្សប្រជាជនកម្ពុជាមិនបណ្តែតបណ្តោយនរណាប្រមាថមើលងាយប្ញលាបពណ៌ដែលនាំឲ្យខូចឈ្មោះគណបក្សទេ = បើនៅតែព្រហើន នោះគណបក្សប្រជាជនកម្ពុជានឹងប្តឹងទៅតុលាការ។
៨- បើគណបក្សប្រជាជនកម្ពុជាមិនប្តឹងទេគណបក្សនឹងនៅតែជាចោរ ប្ញមនុស្សខូចដដែល = អញ្ចឹងមានតែជូនឲ្យតុលាការជួយរកយុត្តិធម៌ឲ្យ។
៩- ការស្នើរបស់អង្គកាសង្គមស៊ីវិលមួយចំនួនគ្រាន់តែជាការត្រូវរូវគ្នាជាមួយជនល្មើស = ឯគណបក្សប្រជាជនកម្ពុជានៅតែទទួលរងភាពអយុត្តិធម៌ដដែល?
១០- បើមិនប្តឹង អ្នកព្រហើននៅតែព្រហើន = ឯអ្នករងគ្រោះនៅតែរងគ្រោះដដែល អត់មានយុត្តិធម៌? ៕
ដោយ ៖ សិលា
