សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ មានរថយន្តចំនួន ២គ្រឿងបានបុកគ្នា បណ្ដាលឲ្យមនុស្សរបួស ហើយអ្នកបើកឡានបង្កហេតុគេចខ្លួនបាត់ ទាំងខូចខាតច្រើនផ្នែកខាងមុខ។
ហេតុការណ៍បានកើតឡើង វេលាម៉ោង ៤និង៣០នាទីព្រឹកថ្ងៃទី១២ ខែមេសា ឆ្នាំ២០២៤ នៅលេីកំណាត់ផ្លូវជាតិលេខ ៦ ស្ថិតក្នុងភូមិកកោះ ឃុំគោកធ្លកក្រោម ស្រុកជីក្រែង ខេត្តសៀមរាម។
សមត្ថកិច្ចបានប្រាប់ឱ្យដឹងថា ៖ ករណីគ្រោះថ្នាក់ចរាចរណ៍នេះ រវាងរថយន្តម៉ាក VIGO ពណ៌ស ពាក់ផ្លាកលេខSR- 0758 ចង្កូតស្តាំ ទិសដៅឆ្លងថ្នល់ពីត្បូងបត់ទៅលិច និងរថយន្តក្រុងដឹកអ្នកដំណើរពណ៌ខៀវលាយសរ ពាក់ផ្លាកលេខ ភ្នំពេញ3C-4447 ទិសដៅពីកេីតទៅលិចបណ្តាលអោយរងរបួសស្រាលមនុស្សម្នាក់។
រថយន្តម៉ាក VIGO ពណ៌ស ពាក់ផ្លាកលេខSR- 0758 ចង្កូតស្តាំ បានបុកពីក្រោយឡានក្រុង ខ្ទេចផ្នែកខាងមុខស្ទើរទាំងស្រុង។
សមត្ថកិច្ចបានបន្តថា ៖ ជនរងគ្រោះ ឈ្មោះ អោ ចន្ធី ភេទប្រុស អាយុ ៤៥ឆ្នាំ មានទីលំនៅភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ (អ្នកបេីកបររថយន្តក្រុង របួសស្រាល)។ ចំណែកអ្នកបេីកបររថយន្តVIGO គេចខ្លួនបាត់សមត្ថកិច្ចកំពុងស្រាវជ្រាវ។ ក្រោយហេតុការណ៍ សមត្ថកិច្ចបាននាំយករថយន្តទាំង ២គ្រឿងទៅរក្សាទុកនៅអធិការដ្ឋាននគរបាលស្រុកជីក្រែង ខេត្តសៀមរាប ដេីម្បីអនុវត្តន៍នីតិវិធីបន្ត៕
ដោយ ៖ សិលា
