សារព័ត៌មាន នគរវត្ត តែងតែនាំមុខគេជានិច្ច
មន្ត្រីអាមេរិកម្នាក់បានបញ្ជាក់ប្រាប់ ABC News ថា មីស៊ីលអុីស្រាអែលបានវាយប្រហារទីតាំងមួយក្នុងប្រទេសអុីរ៉ង់។
យោងតាមទីភ្នាក់ងារសារព័ត៌មាន Reuters ជើងហោះហើរពាណិជ្ជកម្មបានចាប់ផ្តើមបង្វែរផ្លូវហោះហើររបស់ពួកគេនៅព្រឹកថ្ងៃទី ១៩ ខែមេសា (ម៉ោងក្នុងតំបន់) ឆ្លងកាត់ភាគខាងលិចប្រទេសអុីរ៉ង់ ដោយគ្មានការពន្យល់ បន្ទាប់ពីទីភ្នាក់ងារព័ត៌មានកណ្តាលផ្លូវការ Fars (អុីរ៉ង់) បានប្រកាសថាមាន “ការផ្ទុះ” នៅទីក្រុង Isfahan ។
ក្រុមហ៊ុនអាកាសចរណ៍ Emirates និងក្រុមហ៊ុនអាកាសចរណ៍ FlyDubai ដែលមានមូលដ្ឋាននៅទីក្រុងឌូបៃ (UAE) បានចាប់ផ្តើមបង្វែរឆ្លងកាត់ភាគខាងលិចប្រទេសអុីរ៉ង់នៅម៉ោងប្រហែល 4:30 ព្រឹក។ ពួកគេមិនបានផ្តល់ការពន្យល់ទេ ទោះបីជាពួកគេបានព្រមានថា ដែនអាកាសអាចនឹងត្រូវបិទក៏ដោយ។
អុីសហ្វាហាន ជាទីតាំងមូលដ្ឋានទ័ពអាកាសដ៏សំខាន់សម្រាប់យោធាអុីរ៉ង់ ក៏ដូចជាទីតាំងដែលទាក់ទងនឹងកម្មវិធីនុយក្លេអ៊ែររបស់ប្រទេសនេះ។ មន្ត្រីរូបនេះមិនអាចបញ្ជាក់ថាតើទីតាំងនៅស៊ីរី និងអុីរ៉ាក់ត្រូវបានវាយប្រហារឬយ៉ាងណាទេ។
ទីភ្នាក់ងារសារព័ត៌មានអុីរ៉ង់ Fars បានផ្សាយថា មានការផ្ទុះនៅអាកាសយានដ្ឋានមួយក្នុងទីក្រុង Isfahan របស់ប្រទេសអុីរ៉ង់ ប៉ុន្តែមូលហេតុមិនទាន់ដឹងនៅឡើយ។ នៅក្នុងខេត្ត Isfahan មានទីតាំងនុយក្លេអ៊ែរអុីរ៉ង់ជាច្រើន រួមទាំង Natanz (មជ្ឈមណ្ឌលនៃកម្មវិធីចម្រាញ់នុយក្លេអ៊ែររបស់អុីរ៉ង់)៕ ដោយ៖ ធីរីណា
រូបថត៖ NLDO
