សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្តីប្រពន្ធមួយគូបេីកបររ៉ឺម៉កដឹកគ្នាដេីរទិញប្រងម៉ាស៉ីនចាស់ៗតាមជាងជួសជុលឬតាមផ្ទះស្រាប់តែត្រូវជនសង្ស័យម្នាក់ជិះម៉ូតូមកធ្វេីសកម្មភាពួឆក់យកកាបូបលុយដែលស្ត្រីជាប្រពន្ធស្ពាយបានសម្រេចបណ្តាលឱ្យស្ត្រីរងគ្រោះធ្លាក់ពីលេីរ៉ឺម៉ករងរបួសដៃម្ខាងចំណែកជនសង្ស័យយកកាបូបលុយគេចខ្លួនបាត់។
ហេតុការណ៍នេះបង្កការភ្ញាក់ផ្អេីលកាលពីវេលាម៉ោង១១និង៣០នាទីព្រឹក ថ្ងៃទី២១ ខែមិថុនា ឆ្នាំ២០២៤ នៅផ្លូវបេតុងក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ។
តាមសម្តីជនរងគ្រោះដែលសុំមិនបញ្ចេញឈ្មោះបានប្រាប់ឱ្យដឹងថា ពួកគាត់ពីរនាក់ប្តីប្រពន្ធប្រកបរបរដេីរទិញប្រេងម៉ាស៉ីនម៉ូតូឡានចាស់ៗតាមផ្ទះនិងតាមកន្លែងយានដ្ឋានជួសជុលផ្សេងៗជារៀងរាល់ថ្ងៃ ។ លុះមកដល់ថ្ងៃកេីតហេតុខណៈពួកគាត់ធ្វេីដំណេីរតាមរ៉ឺម៉កមួយគ្រឿងដេីម្បីដេីរទិញប្រេងចាស់ៗ ពេលមកដល់ចំណុចកេីតហេតុស្រាប់តែលេចមុខជនសង្ស័យម្នាក់ជិះម៉ូតូហុងដាឌ្រីមមិនចាំស្លាកលេខមកអែបក្បែររ៉ឺម៉កគាត់ រួចធ្វេីសកម្មភាពឆក់យកកាបួបស្ពាយពីគាត់ដែលអង្គុយលេីរ៉ឺម៉កខាងក្រោយប្តីបានសម្រេចបណ្តាលឱ្យដាច់ខ្សែកាបូបធ្លាក់គាត់ពីលេីរ៉ឺម៉ករងរបួសដៃឆ្វេង ចំណែកជនសង្ស័យយកកាបូបលុយគេចខ្លួនបាត់។
ជនរងគ្រោះបានបញ្ជាក់ថា ក្នុងកាបូបមានលុយជិត២លានរៀលនិងអត្តសញ្ញាណប័ណ្ណរួមទាំងឯកសារមួយចំនួនទៀត។
ក្រោយកេីតហេតុជនរងគ្រោះបានដឹកគ្នាទៅមន្ទីរពេទ្យដេីម្បីព្យាបាលរបួសសិនចាំទៅដាក់ពាក្យបណ្តឹងតាមក្រោយ៕
ដោយ៖សុខាសែនជ័យ
