🔥មនុស្សម្នាក៎រងរបួសរថយន្ត៣គ្រឿងនិងម៉ូតូ៤គ្រឿងរងការខូចខាតដោយអគ្គិភ័យ

ខេត្តបន្ទាយមានជ័យ៖ អគ្គិភ័យឆាបឆេះផ្ទះអស់២ខ្នងធ្វើឲ្យមនុស្សម្នាក់រងរបួដដោយឡែករថយន្ត៣គ្រឿងម៉ូតូ៤គ្រឿងរងការខូចខាតនៅល្ងាចថ្ងៃទី១១ ខែកក្តដា ឆ្នាំ២០២៤ស្ថិតភូមិជើងវត្ត ឃុំ ស្រុកព្រះនេត្រព្រះ ។

 លោកវរសេនីយ៍ឯក ទេព រដ្ឋា អធិការនគរបាលស្រុកព្រះនេត្រព្រះបានប្រាប់ថាៈ មូលហេតុដែលអគ្គិភ័យឆាបឆេះគឺស្ត្រីម្ចាស់ផ្ទះជាអ្នកលក់សាំងដបនិងលក់អីវ៉ាន់ចាប់ហួយ បានផ្ទេរសាំងដាក់ដបហើយដៃម្ខាងយកឧបករណ៍ឆក់ម៉ូសបង្កឱ្យឆាបឆេះឡើងត្រូវកងកម្លាំងរួមជាមួយប្រជាពលរដ្ឋជួយពន្លត់រហូតរយះពេលជិត១ម៉ោងទើបរលត់។

លោកបានបញ្ជាក់ថាៈ អគ្គិភ័យឆាបឆេះបណ្តាលឱ្យមានការខូចខាតផ្ទះ២ខ្នង ១ខ្នងផ្ទះថ្មប្រក់ស័ង្កសី ១ខ្នងទៀតឈើប្រក់ស័ង្កសី និងខូចខាតរថយន្ត៣គ្រឿងជាប្រភេទរថយន្តកាំម៉ារីដឹកសាំង ឆេះទាំងស្រុងដោយឡែកម៉ូតូ៤គ្រឿងទៀតក៏មានការខូចខាតដោយសារអគ្គិភ័យរួមទាំងសំភារៈផ្សេងៗទៀតខូចខាតទាំងស្រុង។

លោក ឃូ ពៅ អភិបាលស្រុកព្រះនេត្រព្រះបានបញ្ជាក់ថា៖ដែលអគ្គិភ័យឆាបឆេះជួយអន្តរាគមន៍មានរថយន្តពន្លត់អគ្គិភ័យ២គ្រឿងប្រើប្រាស់ទឹក៦ឡាននិងកម្លាំងអន្តរាគមន៍ជិះ១០០នាក់មាននគរបាល កងរាជអាវុធហត្ថ យោធាតំបន់ប្រតិបត្តិការសឹករងស្រុក និងកងពលថ្មើរជើងលេខ៥១ មន្ត្រីរដ្ឋបាលស្រុករួមជាមួយប្រជាពលរដ្ឋ។

ប្រជាពលរដ្ឋថ្លែងអំណរគុណចំពោះ លោក ហ៊ឹល រ៉ាយ៉ា អភិបាលរងខេត្តបន្ទាយមានជ័យនិងលោក ឃូ ពៅ អភិបាលស្រុកព្រះនេត្រព្រះ ដែលបានដឹកនាំកម្លាំងចុះជួយអន្តរាគមន៍ពន្លត់អគ្គិភ័យដែលឆាបឆេះផ្ទះមិនបណ្តាលឱ្យរាលដាលឆេះទៅផ្ទះប្រជាពលរដ្ឋដ៍ទៃទៀត៕

ដោយ៖ វណ្ណា