សារព័ត៌មាន នគរវត្ត តែងតែនាំមុខគេជានិច្ច
ក្លិប Bordeaux បានដាក់ពាក្យសុំក្ស័យធនត្រឹមតែប៉ុន្មានថ្ងៃប៉ុណ្ណោះបន្ទាប់ពីពួកគេត្រូវបានកាត់ចេញពីក្របខ័ណ្ឌបាល់ទាត់លំដាប់ទី៣របស់បារាំងបន្ទាប់ពីម្ចាស់ក្លិបបាល់ទាត់ Liverpool បានដកខ្លួនចេញពីការពិភាក្សាទិញយកអតីតក្លិប Ligue 1 បាននិយាយកាលពីថ្ងៃព្រហស្បតិ៍ ទី២៥ កក្កដា។
កាលពីដើមខែនេះ ម្ចាស់ជើងឯកបារាំង៦សម័យកាលត្រូវបានទម្លាក់ចេញពី Ligue 2 ដោយអគ្គនាយកគ្រប់គ្រងក្លិបអះអាងថា ដោយសារបញ្ហាហិរញ្ញវត្ថុ។ នៅពេលដែលម្ចាស់ក្លិប Liverpool គឺ Fenway Sports Group បានដកខ្លួនចេញពីការចរចារទិញយក ក្លិបនេះបានបញ្ចប់ក្តីសង្ឃឹមរស់រានមានជីវិតរបស់ក្លឹបប្រកបដោយប្រសិទ្ធភាព។
ក្លិបបានប្រកាសនៅក្នុងសេចក្តីថ្លែងការណ៍មួយថា “វាគឺជាការសម្រេចចិត្តដ៏លំបាកមួយដែលរំពឹងថានឹងមានផលវិបាកដែលមិនអាចជៀសបាននៃដំណើរការរៀបចំរចនាសម្ព័ន្ធឡើងវិញដែលកំពុងដំណើរការ”។
ក្លិប Bordeaux ក៏នឹងបោះបង់ឋានៈអាជីពដែលពួកគេធ្លាប់កាន់កាប់តាំងពីឆ្នាំ១៩៣៧ ហើយបិទសាលាបណ្តុះបណ្តាលបាល់ទាត់ដ៏ល្បីរបស់ពួកគេ ដែលបានជួយអភិវឌ្ឍកីឡាករដូចជា Bixente Lizarazu, Jules Kounde និង Zinedine Zidane ជាដើម ៕
ដោយ៖ ភារៈ (រូបភាព ៖ Reuters/CNA)
