សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើតាមការបញ្ជាក់របស់នាយឧត្តមសេនីយ៍ ខៀវ សុភ័គ រដ្ឋលេខាធិការ និងជាអ្នកនាំពាក្យក្រសួងមហាផ្ទៃ បានថ្លែងឱ្យដឹងនៅព្រឹកថ្ងៃទីចន្ទទី២៩ ខែកក្កដា ឆ្នាំ២០២៤នេះថា៖ សមត្ថកិច្ចកម្ពុជាបានទទួលសំណើចំនួន ០៣ករណីទៀត ដែលស្នើឱ្យជួយសង្គ្រោះជនជាតិបរទេស ០៤នាក់ នេះបេីគិតចាប់ពីម៉ោង ៣៖០០ នាថ្ងៃទី២៧ ដល់វេលាម៉ោង ៣៖០០ ថ្ងៃទី២៨ ខែកក្កដា ឆ្នាំ២០២៤ម្សិលមិញ។
នាយឧត្តមសេនីយ៍ ខៀវ សុភ័គ បានគូសបញ្ជាក់ថា បច្ចុប្បន្នភាពស្រាវជ្រាវ តាមបញ្ជីតាមដាន គិតត្រឹមថ្ងៃទី២៨ ខែកក្កដា ឆ្នាំ២០២៤ រួមមាន៖
*១៖ ទទួលបានណ្តឹងសរុប ១,៧៩១សំណើរ មានមនុស្ស ៣,៧៦៤នាក់
*២៖ បានស្រាវជ្រាវស៊ើបអង្កេតបឋម ១,៥៣១សំណើ និងបិទសំណុំរឿង ៤៧៧សំណើ (រកឃើញមនុស្ស ២,២២៦នាក់, ឃាត់ខ្លួនជនសង្ស័យ ១៤៦នាក់, បិទក្រុមហ៊ុន ៥ទីតាំង, និងផ្អាកអាជីវកម្ម ក៏ដូចជាស្រាវជ្រាវក្រុមហ៊ុន ៤ទីតាំង)
*៣៖ កំពុងបន្តបើកប្រតិបត្តិការស្រាវជ្រាវ និងស៊ើបអង្កេត ២០៨ករណី។
លោកអ្នកនាំពាក្យ បានថ្លែងបន្ថែមថា៖ បច្ចុប្បន្នកម្លាំងសមត្ថកិច្ចកម្ពុជា កំពុងបន្តប្រតិបត្តិការស្រាវជ្រាវ ស៊ើបអង្កេតសំណើរ និងសំណូមពរដែលនៅសេសសល់ផងដែរ៕
ដោយ៖ តារា
