សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ ស្នងការដ្ឋាននគរបាលខេត្តពោធិ៍សាត់ នៅយប់ថ្ងៃទី២៣ ខែសីហា ឆ្នាំ២០២៤នេះ បានឱ្យដឹងថា កម្លាំងអន្តរាគមន៍នៃអធិការដ្ឋាននគរបាលក្រុងពោធិ៍សាត់ សហការណ៍ជាមួយកម្លាំងប៉ុស្តិ៍រដ្ឋបាលព្រៃញី ចុះស្រាវជ្រាវបង្រ្កាប និងឃាត់ខ្លួនជនសង្ស័យ ០៣ នាក់ ពាក់ព័ន្ធករណីជួញដូរ និងប្រើប្រាស់ រក្សាទុក និងដោយខុសច្បាប់នូវសារធាតុញៀន យកមកអនុវត្តតាមនីតិវិធីច្បាប់។
ប្រភពដដែលបន្តថា កម្លាំងអន្តរាគមន៍នៃអធិការដ្ឋាននគរបាលក្រុងពោធិ៍សាត់ សហការណ៍ជាមួយកម្លាំងប៉ុស្តិ៍រដ្ឋបាលព្រៃញី ដឹកនាំដោយលោកវ.ឯក កែវ សារិ អធិការនៃអធិការដ្ឋាននគរបាលក្រុងពោធិ៍សាត់ កាលពីម្សិលមិញនេះ បានចុះបង្ក្រាបជនសង្ស័យដែលជាមុខសញ្ញាជួញដូរថ្នាំញៀន នៅចំណុចផ្ទះជនសង្ស័យឈ្មោះ ណែម សុខគា (ហៅ គា ) ស្ថិតនៅភូមិក្រាំតាសែន សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ ។ ជាលទ្ធផលបានជនសង្ស័យចំនួន០៣នាក់ និងចាប់យកសម្ភារ:វត្ថុតាងដូចខាងក្រោម ៖
ជនសង្ស័យដែលបានឃាត់ខ្លួន
១- ឈ្មោះ ណែម សុខគា (ហៅ គា ) ភេទប្រុស អាយុ២៦ ឆ្នាំ មុខរបរមិនពិតប្រាកដ រស់នៅ ភូមិក្រាំតាសែន សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់។ វិជ្ជមាន(លទ្ធផលតេស្តស្វែងរកសារធាតុញៀនក្នុងទឹក)។
២-ឈ្មោះ សាយ សុនៅ ( ហៅ នៅ ) ភេទប្រុស អាយុ ២៦ឆ្នាំ មុខរបរ មិនពិតប្រាកដ រស់នៅភូមិ សាលាគុំរូ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ ។ វិជ្ជមាន(លទ្ធផលតេស្តស្វែងរកសារធាតុញៀនក្នុងទឹក)។
៣-ឈ្មោះ វុទ្ធី ចាន់ថន ភេទប្រុស អាយុ ២៤ឆ្នាំ មុខរបរ មិនពិតប្រាកដ រស់នៅភូមិ ថ្នល់បំបែក សង្កាត់រលាប ក្រុងពោធិ៍សាត់ ខេត្តពោធិ៍សាត់ ។ វិជ្ជមាន(លទ្ធផលតេស្តស្វែងរកសារធាតុញៀនក្នុងទឹក)។
វត្ថុតាងចាប់យកបានរួមមាន ៖
១-ទូរស័ព្ទចំនួន ០២គ្រឿង
២-ដែកកេះសម្រាប់ជក់ថ្នាំចំនួន០១
៣-ឧបករណ៍សម្រាប់ជក់គ្រឿងញៀនចំនួន ០១កំផ្លេ
៤-ម្សៅក្រាមពណ៌ស សង្ស័យជាសារធាតុញៀនចំនួន ០១ កញ្ចប់តូច (ទម្ងន់ ០.៣៥ ក្រាម គិតសាច់ថ្នាំសុទ្ធ)
បច្ចុប្បន្នជនសង្ស័យទាំង ០៣នាក់ រួមជាមួយវត្ថុតាងត្រូវបានឃាត់ខ្លួននឹងរក្សាទុកនៅអធិការដ្ឋាននគរបាលក្រុងពោធិ៍សាត់៕ដោយ៖តារា
