សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ Mason Greenwood កំពុងទាក់ទាញចំណាប់អារម្មណ៍ពីក្លិបនានារួមមាន Barcelona, Atletico Madrid និង Bayern Munich។ ក្រុមការងារមកពីក្លិបយក្សនៅអឺរ៉ុបទាំង៣បានមើល Greenwood ក្នុងសកម្មភាពលេងនៅឯក្រុម Marseille នៅរដូវកាលនេះ។
Manchester United មានតម្លៃលក់ចេញយ៉ាងច្រើនពីការផ្ទេរទៅប្រទេសបារាំងក្នុងតម្លៃ២៦,៦លានផោនក្នុងរដូវក្ដៅ។ Greenwood បានចំណាយពេលកាលពីរដូវកាលមុនក្នុងលក្ខខណ្ឌខ្ចីជើងនៅក្លិប Getafe របស់អេស្ប៉ាញ ជាកន្លែងដែលគាត់បានស៊ុតបញ្ចូលទីបាន១០គ្រាប់ក្នុង៣៦ប្រកួតនៅក្នុងការប្រកួតទាំងអស់។
សារព័ត៌មាន talkSPORT បានផ្សាយកាលពីខែធ្នូ ឆ្នាំ២០២៣ ពីរបៀបដែល Barcelona កំពុងរក្សាការចាប់អារម្មណ៍លើកីឡាករវ័យ២២ឆ្នាំរូបនេះបន្ទាប់ពីការបង្ហាញរបស់គាត់នៅក្នុងប្រទេសអេស្ប៉ាញ។ ទន្ទឹមនឹងនេះដែរ Atletico Madrid របស់លោក Diego Simeone ក៏កំពុងស្វែងរកគាត់ផងដែរ ទោះបីជាក្លិបទាំង២បានជ្រើសរើស និងការបង្វែរចំណាប់អារម្មណ៍របស់ពួកគេទៅជាការដេញថ្លៃជាផ្លូវការក៏ដោយដែលនាំឱ្យក្លិប Marseille អាចនឹងមានហាងឆេងខ្ពស់។
Greenwood បានចាប់ផ្តើមយ៉ាងខ្លាំងនៅក្នុង Ligue 1 ដោយស៊ុតបញ្ចូលទីបាន៥គ្រាប់ក្នុងការប្រកួតក្រៅទឹកដីចំនួន៤។ គាត់គឺជាអ្នកស៊ុតបញ្ចូលទីច្រើនជាងគេនាពេលបច្ចុប្បន្ន ដោយមានតែ Erling Haaland ប៉ុណ្ណោះដែលស៊ុតបញ្ចូលទីបានច្រើនជាងគាត់នៅក្នុងលីកកំពូលទាំង៥របស់អឺរ៉ុប។ Greenwood បានបង្ហាញខ្លួនយ៉ាងល្អជាលើកដំបូងរបស់គាត់ ដោយរកបាន២គ្រាប់ក្នុងការយកឈ្នះ ៥-១ ទៅលើក្រុម Brest។
ការចាប់ផ្តើមដ៏គួរឱ្យចាប់អារម្មណ៍របស់គាត់ចំពោះរដូវកាលថ្មីដែលមិនគួរឱ្យភ្ញាក់ផ្អើលបានឃើញគាត់ត្រូវបានគេដាក់ឈ្មោះថា ជាកីឡាករប្រចាំខែសីហារបស់ក្រុម Marseille ផងដែរ។ Greenwood សង្ឃឹមថាការចាប់ផ្តើមដ៏លឿនរបស់គាត់នៅប្រទេសបារាំងនឹងជួយយកឈ្នះលើអ្នកគាំទ្រមួយចំនួនដែលមិនសប្បាយចិត្តចំពោះការមកដល់របស់គាត់។
កីឡាករជម្រើសជាតិអង់គ្លេសរូបនេះបានចំណាយពេលមួយឆ្នាំចុងក្រោយដើម្បីកសាងជីវិត និងអាជីពរបស់គាត់ឡើងវិញបន្ទាប់ពីការព្យួររបស់គាត់ពី United។ គាត់ត្រូវបានចាប់ខ្លួននៅខែមករា ឆ្នាំ២០២២ ក្រោមការសង្ស័យពីបទរំលោភបំពាន និងគំរាមកំហែងសម្លាប់ដែលជាអ្វីដែលគាត់បានបដិសេធ។ ការចោទប្រកាន់ប្រឆាំងនឹងខ្សែប្រយុទ្ធរូបនេះត្រូវបានទម្លាក់នៅក្នុងខែកុម្ភៈ ឆ្នាំ២០២៣ ប៉ុន្តែនោះមិនបានបញ្ឈប់ក្រុម Marseille ក្នុងការជំរុញក្លិបកុំឱ្យចុះហត្ថលេខាលើគាត់នៅរដូវក្តៅនោះទេ។
សម្រាប់ Greenwood នឹងសម្លឹងមើលការចាប់អារម្មណ៍មួយទៀតនៅពេលដែល Marseille ប៉ះ Lyon នៅកីឡដ្ឋាន Groupama នៅថ្ងៃអាទិត្យនេះ។ ក្លិប Marseille ដឹងថា ពួកគេអាចឡើងលើកំពូលតារាង ប្រសិនបើ Paris Saint-Germain ធ្លាក់ក្រោមការបរាជ័យក្រោមស្នាដៃក្រុម Reims នៅយប់ថ្ងៃសៅរ៍នេះ ៕
ដោយ៖ ភារៈ (រូបភាព ៖ talksport.com)
