សារព័ត៌មាន នគរវត្ត តែងតែនាំមុខគេជានិច្ច
ក្លិប Cardiff City បានបណ្តេញអ្នកចាត់ការទូទៅលោក Erol Bulut ចេញពីតំណែងដោយក្រុមមួយនេះកំពុងឈរបាតតារាងនៃក្របខ័ណ្ឌអង់គ្លេស Championship។ Cardiff ទទួលបានត្រឹមតែ១ពិន្ទុប៉ុណ្ណោះពីការប្រកួតលីកចំនួន៦ ហើយរកបានតែ១គ្រាប់ប៉ុណ្ណោះ ដែលជាការចាប់ផ្តើមដ៏អាក្រក់បំផុតរបស់ពួកគេក្នុងរដូវកាលក្នុងរយៈពេល៩៤ឆ្នាំ។
លោក Nikolaos Karydas គ្រូបង្វឹកក្រុមទីមួយក៏បានចាកចេញដែរ ដោយលោក Omer Riza ទទួលបន្ទុកដឹកនាំក្លិបបណ្តោះអាសន្ន។ ការប្រកួតចុងក្រោយរបស់លោក Bulut គឺការចាញ់ម្ចាស់ផ្ទះ Cardiff ក្នុងលទ្ធផល ២-០ ទល់នឹង Leeds United កាលពីថ្ងៃសៅរ៍។
ក្រុម Cardiff ក៏បានចាញ់ក្រុម Sunderland, Burnley, Middlesbrough និង Derby County ជាមួយនឹងពិន្ទុតែមួយគត់របស់ពួកគេក្នុងការប្រកួត South Wales Derby ទល់នឹង Swansea City។ ន្ទាប់ពីការប្រកួតកាត់ចោលនៅឆ្នាំ២០២២-២០២៣ ក្រុម Cardiff មានភាពប្រសើរឡើងក្នុងឆ្នាំដំបូងរបស់លោក Bulut ដែលគ្រប់គ្រងដោយបញ្ចប់ក្នុងចំណាត់ថ្នាក់ទី១២។
បុរសវ័យ៤៩ឆ្នាំរូបនេះត្រូវបានផ្តល់រង្វាន់ជាមួយនឹងកិច្ចសន្យាថ្មីរយៈពេល២ឆ្នាំក្នុងខែមិថុនា ដែលគ្រោងនឹងដំណើរការរហូតដល់ចុងបញ្ចប់នៃរដូវកាល២០២៥-២០២៦ ប៉ុន្តែការចាប់ផ្តើមដ៏អាក្រក់មួយក្នុងរដូវកាលនេះ បានធ្វើឱ្យគ្រូបង្វឹកទួរគីត្រូវបានបណ្តេញចេញ បន្ទាប់ពីការប្រកួតត្រឹមតែប្រាំពីរប្រកួតប៉ុណ្ណោះនៅក្នុងការប្រកួតទាំងអស់។
សេចក្តីថ្លែងការណ៍របស់ក្លិបបានឲ្យដឹងថា “ក្រុមប្រឹក្សាភិបាលសូមថ្លែងអំណរគុណដល់លោក Erol ចំពោះការខិតខំប្រឹងប្រែងរបស់គាត់ និងសូមជូនពរឱ្យគាត់មានសុខភាពល្អសម្រាប់អនាគត”។ ឥឡូវនេះក្រុម Cardiff នឹងស្វែងរកការតែងតាំងអ្នកគ្រប់គ្រងអចិន្ត្រៃយ៍ទី១២ក្នុងរយៈពេល១៤ឆ្នាំដែលលោក Vincent Tan បានកាន់កាប់ជាម្ចាស់ក្លិប ៕
ដោយ៖ ភារៈ (រូបភាព ៖ BBC Sport)
