សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ ជនត្រូវចោទម្នាក់ ត្រូវបាននគរបាលស្រុកស្អាងចាប់ឃាត់ខ្លួន ដោយអនុវត្តតាមដីការបស់សាលាដំបូងខេត្តកណ្ដាល ។ ប្រតិបត្តិការនេះ ធ្វើឡើងថ្ងៃទី ០៥ ខែ តុលា ឆ្នាំ ២០២៤ វេលាម៉ោង១៦និង៣០នាទី ស្ថិតនៅចំណុចភូមិព្រែកអំបិល ឃុំព្រែកអំបិល ស្រុកស្អាង ខេត្តកណ្ដាល ។
មន្ត្រីនគរបាលស្រុកស្អាងបានឲ្យដឹងថា ជនត្រូវចោទឈ្មោះ ចេវ រ៉ាឆាន់ ភេទ ប្រុស អាយុ២៨ឆ្នាំ ជនជាតិ ខ្មែរ មុខរបរ កម្មករមានទីលំនៅបច្ចុប្បន្ន ភូមិ ព្រែកថ្មី ឃុំ ព្រែកអំបិល ស្រុកស្អាង ខេត្តកណ្ដាល។ ជននេះមានដីកាបង្គាប់ឲ្យចាប់ខ្លួនចំនួន២ ទី១\ដីកាលេខ ៤៦៥/២១ .ចុះថ្ងៃទី០៣ ខែសីហា ឆ្នាំ២០២១ របស់លោក អាត ច័ន្ទដារ៉ាចៅក្រមស៊ើបសួរនៃសាលាដំបូងខេត្តកណ្ដាល។ ទី២/ដីកាលេខ ៣១៨ ដកបចខ/២២ .ចុះថ្ងៃទី ១៨ ខែ ឧសភា ឆ្នាំ ២០២២ របស់លោក ជួន វណ្ណៈ ចៅក្រមជំនុំជម្រះនៃសាលាដំបូងខេត្តកណ្តាល ដោយចោទប្រកាន់ពីបទ ធ្វើឲ្យខូចខាតដោយចេតនាកើតហេតុថ្ងៃទី១៣ ខែកញ្ញា ឆ្នាំ២០២០ នៅភូមិ ព្រែកគ្រួស ឃុំ ព្រែកអំបិល ស្រុកស្អាង ខេត្តកណ្ដាល។
បច្ចុប្បន្នជនត្រូវចោទបានបញ្ជូនមកអធិការដ្ឋាននគរបាលស្រុកស្អាង ដើម្បីបន្តចាត់ការតាមនីតិវិធី៕
ដោយ៖ ស្អាងជ័យ
