សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់បានរងរបួសរលាត់ដៃជេីង ខណៈជិះម៉ូតូដេីររកការងារធ្វេីត្រូវជនសង្ស័យម្នាក់ជិះម៉ូតូមកធ្វេីសកម្មភាពឆក់យកកាបូបបានសម្រេចបណ្តាលឱ្យស្ត្រីរងគ្រោះដួលអូសទៅនឹងថ្នល់ ហេីយជនសង្ស័យបានយកកាបូបគេចខ្លួនបាត់។
ហេតុការណ៍នេះបង្កការភ្ញាក់ផ្អេីលកាលពីវេលាម៉ោង៩និង៣០នាទីព្រឹក ថ្ងៃទី២៤ ខែតុលា ឆ្នាំ២០២៤ នៅលេីផ្លូវបេតុង ក្នុងភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ។ តែដោយសារតែមានរបួសជនរងគ្រោះក៏ទៅព្យាបាលជំងឺសិនរហូតដល់ព្រឹកថ្ងៃទី២៥ ខែតុលា ទេីបទៅដាក់ពាក្យបណ្តឹងនៅប៉ុស្តិ៍នគរបាលសុំកិច្ចអន្តរាគមន៍។
ជនរងគ្រោះឈ្មោះ ជា ចិន ភេទស្រីអាយុ៣៩ឆ្នាំ ស្នាក់នៅសង្កាត់កាកាបទី២ ខណ្ឌពោធិ៍សែនជ័យ មានស្រុកកំណេីតនៅភូមិអំពៅព្រៃ ឃុំចំបក់ ស្រុកស្វាយជ្រំ ខេត្តស្វាយរៀង។
តាមសម្តីជនរងគ្រោះបានឱ្យដឹងថា នៅមុនពេលកេីតហេតុរូបគាត់បានជិះម៉ូតូម៉ាកហុងដា ពណ៌ខ្មៅ ពាក់ស្លាកលេខព្រះសីហនុ 1D-1830 ដេីររកការងារធ្វេី ពីមួយកន្លែងទៅមួយកន្លែងតែមិនជាប់ ទេីបគាត់ជិះម៉ូតូទៅរកបន្តទៀត ខណៈជិះមកដល់ចំណុចកេីតហេតុស្រាប់តែមានជនសង្ស័យម្នាក់ជិះម៉ូតូធុនធំមិនចាំស្លាកលេខធ្វេីដំណេីរមកពីក្រោយឆក់យកកាបូបរបស់គាត់ដែលព្យួរនៅខាងមុខម៉ូតូបណ្តាលឱ្យម៉ូតូគាត់ដួលអូសរងរបួសដៃជេីង ចំណែកជនសង្ស័យបានយកកាបូបទៅបាត់ដោយសុវត្តិភាព។
ជនរងគ្រោះបានអះអាងថា ក្នុងកាបូបរបស់គាត់មានអត្តសញ្ញាណប័ណ្ណមួយសន្លឹក កាតគ្រីម៉ូតូមួយសន្លឹក ទូរស័ព្ទចំនួន២គ្រឿង។
ក្រោយកេីតហេតុភ្លាមដោយសារតែរូបគាត់មានរបួសទេីបធ្វេីដំណេីរទៅព្យាបាលសិន លុះព្រឹកថ្ងៃទី២៥ ខែតុលា ឆ្នាំ២០២៤ ទេីបធ្វេីដំណេីរមកដាក់ពាក្យបណ្តឹងនៅប៉ុស្តិ៍នគរបាលសំរោងក្រោមដេីម្បីសុំកិច្ចអន្តរាគមន៍៕
ដោយ៖សុខាសែនជ័យ
