សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ ករណីឃាតកម្មចាក់ សម្លាប់យុវតីម្នាក់ចំនួន២៣កាំបិតកាលពីវេលាម៉ោង០៨ព្រឹកថ្ងៃទី០៦ ខែវិច្ឆិកា ឆ្នាំ២០២៤ នៅចំណុចក្នុងផ្ទះជនរងគ្រោះ តាមបណ្តោយផ្លូវព្រលានចាស់ ក្រុងសៀមរាប ស្ថិតក្នុងភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប។
ជនរងគ្រោះមានឈ្មោះ វណ្ណ សុភត្តា អាយុ២៥ឆ្នាំ មុខរបរលក់កាហ្វេនៅផ្ទះ និងជានិស្សិតឆ្នាំទី៤ រស់នៅភូមិគោកដូង សង្កាត់ទឹកវិល ក្រុងសៀមរាបខេត្តសៀមរាប។
ក្រោយពេលកើតហេតុ ជនល្មើសបានរត់គេចខ្លួនបាត់ ដោយគេសន្និដ្ឋានថា ជនល្មើសជាសង្សាររបស់ជនរងគ្រោះ។ ចំពោះមូលហេតុ យើងមិនទាន់ដឹងច្បាស់នៅឡើយទេ។
បច្ចុប្បន្នកម្លាំងសមត្ថកិច្ចកំពុងនៅកន្លែងកើតហេតុ ហើយកំពុងពិនិត្យស្រាវជ្រាវ ដើម្បីរកមុខឃាតកពិតប្រាកដយកមកផ្តន្ទាទោសតាមច្បាប់៕
ដោយ ៖ រ៉ារ៉ា
