សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ ៖ នាព្រឹកថ្ងៃទី៦ ខែវិច្ឆិកា ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖លោកXiJinpingបានគូសបញ្ជាក់ក្នុងពេលចុះត្រួតពិនិត្យកងកម្លាំងឆត្រយោងថា ត្រូវពង្រឹងការបង្វឹកបង្ហាត់ទាហាននិងត្រៀមប្រយុទ្ធដោយគ្រប់ជ្រុងជ្រោយ លើកកម្ពស់សមត្ថភាពប្រយុទ្ធផ្នែកឆត្រយោង ដើម្បីខំប្រឹងកសាងកងកម្លាំងឆត្រយោងដ៏ទំនើបនិងខ្លាំងក្លា
គេហទំព័រ «CCFR China state-controlled media » បានលើកឡើងថា ៖ ថ្ងៃទី៤ខែវិច្ឆិកា លោកXiJinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានអញ្ជើញចុះត្រួតពិនិត្យការងារនៅអង្គភាពឆត្រយោង។លោកបានគូសបញ្ជាក់ថា កងកម្លាំងឆត្រយោងបានដើរតួនាទីដ៏សំខាន់ក្នុងប្រព័ន្ធកងកម្លាំងនិងប្រព័ន្ធប្រយុទ្ធនៃកងទ័ពប្រទេសចិន ត្រូវអនុវត្តយ៉ាងស៊ីជម្រៅនូវគំនិតស្តីពី ការកសាងកងទ័ពដ៏ខ្លាំងក្លាក្នុងយុគសម័យថ្មី អនុវត្តគោលការណ៍ណែនាំនៃយុទ្ធសាស្ត្រយោធាក្នុងយុគសម័យថ្មី អនុវត្តយ៉ាងប្រាកដប្រជានូវតម្រូវការនៃការធ្វើបរិវត្តកម្មកងទ័ពជើងអាកាស ត្រូវពង្រឹងការបង្វឹកបង្ហាត់ទាហាននិងត្រៀមប្រយុទ្ធដោយគ្រប់ជ្រុងជ្រោយ លើកកម្ពស់សមត្ថភាពប្រយុទ្ធផ្នែកឆត្រយោង ដើម្បីខំប្រឹងកសាងកងកម្លាំងឆត្រយោងដ៏ទំនើបនិងខ្លាំងក្លា៕
ដោយ ៖ សិលា
