សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងប៉ុស្តិ៍នគរបាលរដ្ឋបាលបឹងកេងកងទី១ បានឃាត់ខ្លួនជនសង្ស័យចំនួន០២នាក់ នៅថ្ងៃទី១៩ ខែវិច្ឆិកា ឆ្នាំ២០២៤ វេលាម៉ោង១៤ និង២០នាទីរសៀល ពាក់ព័ន្ធករណីលួចទូរស័ព្ទដៃ នៅចំណុចហាងលក់ទូរស័ព្ទដៃយីហោ សារិទ្ទ ផ្ទះលេខ១៥ ផ្លូវ៣៨០ ភូមិ៩ សង្កាត់បឹងកេងកងទី១ ខណ្ឌបឹងកេងកង។
ឃាត់ខ្លួនជនសង្ស័យចំនួន០២នាក់៖
១-ឈ្មោះ ចាន់ វិចិត្រ ភេទប្រុស ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួលគ្មានលេខ ផ្លូវលំ សង្កាត់ទន្លេបាសាក់ ខណ្ឌចំការមន។
២-ឈ្មោះ ប៉ិច ប៊ុនលាប ភេទប្រុស ជនជាតិខ្មែរ មុខរបរ រត់តុ ស្នាក់នៅផ្ទះជួលគ្មានលេខ ផ្លូវលំ សង្កាត់ទន្លេបាសាក់ ខណ្ឌចំការមន។
វត្ថុតាងចាប់យក: ម៉ូតូម៉ាកScoopy ពណ៌សលាយផ្កាឈូក ស៊េរីឆ្នាំ២០២២ ពាក់ផ្លាកលេខ ភ្នំពេញ 1JG-7658 ជារបស់ជនសង្ស័យ, ទូរស័ព្ទដៃ ម៉ាក IPhone11 ពណ៌ស្វាយ ជារបស់ជនរងគ្រោះ, ទូរស័ព្ទដៃម៉ាកIPhone11 ពណ៌ខ្មៅ ជារបស់ជនរងគ្រោះ, ទូរស័ព្ទដៃ ចំនួន០២គ្រឿង ជារបស់ជនរងគ្រោះ។ បន្ទាប់មកសមត្ថកិច្ចបានប្រគល់ឱ្យជនរងគ្រោះវិញតាមការស្នើសុំ។
បច្ចុប្បន្នជនសង្ស័យរួមនិងវត្ថុតាង កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌបឹងកេងកង ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវីធីច្បាប់៕
ដោយ៖ អរុណរះ
