សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ លោក អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំកិច្ចប្រជុំគណៈកម្មការខេត្ត លុបបំបាត់ឱសថក្លែងក្លាយ និងសេវាសុខាភិបាលឯកជនមិនមានច្បាប់អនុញ្ញាត ដែលកិច្ចប្រជុំធ្វើឡើងនៅសាលប្រជុំតូចសាលាខេត្ត នាព្រឹកថ្ងៃទី៣ ខែធ្នូ ឆ្នាំ២០២៤។
ក្នុងកិច្ចប្រជុំនោះដែរ លោក អភិបាលខេត្ត ក៏បានលើកយកនូវរបៀបវារៈមួយចំនួនទៀតមកប្រជុំ ពិភាក្សា និងដាក់ចេញជាផែនការ ដើម្បីយកអនុវត្តឲ្យមានប្រសិទ្ធភាព រួមមាន: ការងាររៀបចំពិធីអបអរ ឆ្នាំថ្មីឆ្នាំសកល ឆ្នាំ២០២៥, ការងាររៀបចំប្រារព្ធពិធីអបអរ ទិវាជ័យជំនះលើរបបប្រល័យពូជសាសន៍ (៧ មករា ១៩៧៩-២០២៥) , ការងាររៀបចំប្រារព្ធពិធីចែកប័ណ្ណកម្មសិទ្ធិដីធ្លី និងការងារពង្រឹងការអនុវត្តគោលនយោបាយភូមិ ឃុំ សង្កាត់ មានសុវត្ថិភាព៕
ដោយ ៖ សិលា
